ସାଧାରଣତଃ ଆମେ ଶୋଇବା ବେଳେ ଏଥିପ୍ରତି ଧ୍ୟାନ ଦେଇ ନଥାଆନ୍ତି ଯେ ଆମେ କିପରି ଶୋଉଚେ, କେଉଁ ଦିଗକୁ ମୁଣ୍ଡ ଓ କେଉଁ ଦିଗକୁ ଗୋଡ଼ ରହୁଛି ଇତ୍ୟାଦି। ହେଲେ ଆମେ ଏହା ଜାଣି ନଥାଆନ୍ତି ଯେ ଏହି ସବୁ ଛୋଟ ଛୋଟ ଭୁଲ୍ ଆମ ପାଇଁ ମହଙ୍ଗା ପଡ଼ିଥାଏ। ଏହାଦ୍ୱାରା ଆମ ଉପରେ କୁପ୍ରଭାବ ମଧ୍ୟ ପଡ଼ିପାରେ। ବାସ୍ତୁଶାସ୍ତ୍ର ଅନୁସାରେ, ଜଣେ ବ୍ୟକ୍ତିଙ୍କ ଶୋଇବାର ଦିଗ ସଠିକ୍ ହେବା ଦରକାର। ଯଦି ଦକ୍ଷିଣ ଦିଗକୁ ଗୋଡ଼ କରି ଶୋଉଛନ୍ତି ତେବେ ଏହା ଆପଣଙ୍କ ସ୍ୱାସ୍ଥ୍ୟ ଉପରେ ବହୁ ଖରାପ ପ୍ରଭାବ ପକାଇପାରେ।
କେବଳ ବାସ୍ତୁ ନୁହେଁ, ଦକ୍ଷିଣ ଦିଗକୁ ଗୋଡ଼ କରି ନଶୋଇବାର ବୈଜ୍ଞାନିକ ଓ ଧାର୍ମିକ କାରଣ ମଧ୍ୟ ରହିଛି।
ବୈଜ୍ଞାନିକ କାରଣ:
ବିଜ୍ଞାନ ଅନୁସାରେ ପୃଥିବୀର ଦୁଇ ମେରୁ, ଉତ୍ତର ଏବଂ ଦକ୍ଷିଣ ମେରୁରେ ଚୁମ୍ୱକୀୟ ଶକ୍ତି ରହିଛି। ଶାରୀରିକ ସଂରଚନା ଅନୁସାରେ ଯଦି ଆପଣଙ୍କ ମୁଣ୍ଡ ଉତ୍ତର ଦିଗକୁ ଅଛି, ତେବେ ଆପଣଙ୍କ ପାଦ ଦକ୍ଷିଣ ଦିଗକୁ ରହିବ। ଆପଣ ଏଭଳି ଶୋଇଲେ,ଏହା ଶରୀର ଉପରେ ନକରାତ୍ମକ ପ୍ରଭାବ ପକାଇଥାଏ।
ଏହାର ଅର୍ଥ, ଦୁଇ ବିପରୀତ ଦିଗ ଶରୀରର ଉଭୟ ପଟକୁ ନିଜ ଆଡ଼କୁ ଆକର୍ଷଣ କରିଥାନ୍ତି ଏବଂ ଏଥିଯୋଗୁଁ ସ୍ୱାସ୍ଥ୍ୟ ଏବଂ ମସ୍ତିଷ୍କ ଉପରେ ଖରାପ ପ୍ରଭାବ ପଡ଼ିଥାଏ।
ବୈଜ୍ଞାନିକ ଦୃଷ୍ଟିକୋଣରୁ ଏହା ମଧ୍ୟ କୁହାଯାଇଛି, ଦକ୍ଷିଣ ଦିଗକୁ ଗୋଡ଼ କରି ଶୋଇବା ଦ୍ୱାରା ବ୍ୟକ୍ତିଙ୍କ ଶାରୀରିକ ଶକ୍ତି କ୍ଷୟ ହୋଇଥାଏ। ସକାଳେ ଉଠିବା ପରେ ଥକା ଲାଗିଥାଏ। କିନ୍ତୁ ଦକ୍ଷିଣ ଦିଗକୁ ମୁଣ୍ଡ ରଖି ଶୋଇବା ଦ୍ୱାରା ସ୍ୱାସ୍ଥ୍ୟ ଭଲ ରହିଥାଏ।
ଧାର୍ମିକ କାରଣ:
ପୁରାଣ ଅନୁସାରେ, ଦକ୍ଷିଣ ଦିଗକୁ ଯମଙ୍କ ଦିଗ ବୋଲି କୁହାଯାଏ। ଏହି ଦିଗକୁ ଗୋଡ଼ ରଖି ଶୋଇଲେ ଶରୀରକୁ ଦୋଷ ଲାଗିଥାଏ। ମହାଭାରତର ଅନୁଶାସନ ପର୍ବ, ପଦ୍ମ ପୁରାଣ ଏବଂ ସୃଷ୍ଟି ପୁରାଣ ଅନୁସାରେ, ଦକ୍ଷିଣ ଦିଗକୁ ଗୋଡ଼ ରଖି ଶୋଇଲେ, ବ୍ୟକ୍ତି ଅଳ୍ପାୟୁଷ ହୋଇଥା’ନ୍ତି। ଏହା ସହିତ ସ୍ୱାସ୍ଥ୍ୟ ସମସ୍ୟା ବଢ଼ିଥାଏ ଏବଂ ଘରୁ ଲକ୍ଷ୍ମୀ ଚାଲି ଯାଇଥା’ନ୍ତି।
ଦକ୍ଷିଣ ଦିଗକୁ ଗୋଡ଼ କରି ଶୋଉଛନ୍ତି କି? ହୋଇଯାଆନ୍ତୁ ସାବଧାନ!
Popular Categories
Previous article
Next article