ବିଶ୍ବର ସବୁଠୁ ନାମୀ ନିଲାମୀ ସଂସ୍ଥା ଭାବେ ‘କ୍ରିଷ୍ଟି’ର ଖୁବ୍ ଖ୍ୟାତି ରହିଛି। ପ୍ରାଚୀନ ଜିନିଷ ସହ ଦାମୀ ଅଳଙ୍କାର, ହୀରା ପୂର୍ବରୁ ଅନେକଥର କ୍ରିଷ୍ଟି ନିଲାମ କରିସାରିଛି। ବିଶ୍ବର ପ୍ରମୁଖ ରାଜପରିବାର ଓ ଧନିକ ଗୋଷ୍ଠୀ ହିଁ ଏହି ନିଲାମରେ ଅଂଶଗ୍ରହଣ କରନ୍ତି। ମଙ୍ଗଳବାର କ୍ରିଷ୍ଟି କତ୍ତୃପକ୍ଷ ଘୋଷଣା କରିଛନ୍ତି, ୨୫୦ ବର୍ଷ ପୁରାତନ ଦୁର୍ଲଭ ଗୋଲାପୀ ହୀରାର ଖୁବ୍ ଶୀଘ୍ର ନିଲାମ ଡାକରା ହେବ। ଏଥିନିମନ୍ତେ କେତେକ ରାଜପରିବାର ଓ ସମ୍ଭ୍ରାନ୍ତ ବର୍ଗଙ୍କୁ ବାର୍ତ୍ତା ପ୍ରେରଣ ହୋଇସାରିଛି। ୧୯ କ୍ୟାରଟ୍ର ଏହି ଗୋଲାପୀ ହୀରା ସୁଇଜରଲ୍ୟାଣ୍ଡର ଜେନେଭାରେ ହେବ ବୋଲି ସ୍ଥିର ହୋଇଛି। କ୍ରିଷ୍ଟି ନିଲାମ କରିଥିବା ଏଯାବତ୍ ବିଭିନ୍ନ ପ୍ରକାରର ହୀରା ମଧ୍ୟରୁ ଏହା ସବୁଠୁ ଦାମୀ ହୀରା ଅଟେ। ହୀରାର ନିଲାମ ଡାକରା ୩୦ ମିଲିୟନ୍ରୁ ୫୦ ମିଲିୟନ୍ ହେବ ବୋଲି କର୍ତ୍ତୃପକ୍ଷ ଆଶାପୋଷଣ କରିଛନ୍ତି।
