ଭୁବନେଶ୍ବର: ଭୁବନେଶ୍ବର ବିଜେବି କଲେଜ ଷ୍ଟ୍ରଙ୍ଗରୁମ ସାମ୍ନାରେ ଉତ୍ତେଜନା ପ୍ରକାଶ ପାଇଛି। ଜନୈକ ଯୁବକ ଷ୍ଟ୍ରଙ୍ଗରୁମ ଭିତରେ ପଶିଥିବା ନେଇ ଲୋକେ ଅଭିଯୋଗ କରିଛନ୍ତି। ବେକରେ ଏକ ପରିଚୟପତ୍ର ଝୁଲାଇ ସମ୍ପୃକ୍ତ ଯୁବକ ବିଜେବି କଲେଜ ଷ୍ଟ୍ରଙ୍ଗରୁମରେ ପଶିଥିବା ଅଭିଯୋଗ କରାଯାଇଛି। ମଝିରେ ଏଲଇଡି ଟିଭି ଅଚଳ ହେଉଥିବାରୁ ଗଫଲତି ସନ୍ଦେହ ହୋଇଛି। ସିସିଟିଭି ଠିକ ଭାବେ ରେକର୍ଡିଂ ହେଉନଥିବା ଅଭିଯୋଗ କରାଯାଇଛି। ଷ୍ଟ୍ରଙ୍ଗରୁମ ସାମ୍ନାରେ ଶତାଧିକ ଲୋକଙ୍କ ପାଟିତୁଣ୍ଡ କରିବାକୁ ପୁଲିସ ସେମାନଙ୍କୁ ବୁଝାସୁଝା କରୁଛି। ଲୋକଙ୍କୁ ବୁଝାଇବାକୁ ଏଡିଏମ ଏବଂ ପୁଲିସ ଅଧିକାରୀଙ୍କ ଉଦ୍ୟମ ଜାରି ରହିଛି। ସମ୍ପୃକ୍ତ ଯୁବକଙ୍କୁ ଉପସ୍ଥିତ ଲୋକେ ଆକ୍ରମଣ କରିଥିବାବେଳେ ସେଠାରେ ପରିସ୍ଥିତି ଅଣାୟତ ହୋଇପଡ଼ିଛି। ପରିସ୍ଥିତି ନିୟନ୍ତ୍ରଣ କରିବାକୁ ଯାଇ ପୁଲିସ ପକ୍ଷରୁ ଲାଠି ଚାର୍ଜ କରାଯାଇଛି। ପୁଲିସ ସହ ଧସ୍ତାଧସ୍ତି ଓ ଉଭୟ ପକ୍ଷଙ୍କ ମଧ୍ୟରେ ଠେଲାପେଲା ହୋଇଥିବା ଜଣାପଡ଼ିଛି। ଏହି ଘଟଣାରେ ତିନି ଜଣ ଆହତ ହୋଇଥିବାବେଳେ କିଛି ଯୁବକଙ୍କୁ ପୁଲିସ ଅଟକ ରଖିଛି। ଘଟଣାସ୍ଥଳରେ ବ୍ୟାପକ ପୁଲିସ ଫୋର୍ସ ମୁତୟନ ହୋଇଛନ୍ତି।
Comments are closed.