ନବରଙ୍ଗପୁର: ଜିଲାର ଉମରକୋଟ ବ୍ଲକ ଓ ରାଇଘର ବ୍ଲକରେ ଅନ୍ତିମ ପର୍ଯ୍ୟାୟ ଭୋଟଗ୍ରହଣ ଶେଷ ହୋଇଛି। ଉମରକୋଟ ବ୍ଲକର ୩ଟି ଜିଲାପରିଷଦ ଜୋନରେ ମୋଟ ୧୦୮୦୪୮ ଭୋଟର ରହିଥିବା ବେଳେ ମୋଟ ୯୨୨୭୦ ଭୋଟର ଭୋଟ ଦେଇଛନ୍ତି। ଯାହାକି ୮୫.୪୦ ପ୍ରତିଶତ ହୋଇଛି। ସେହିପରି ରାଇଘର ବ୍ଲକର ୪ଟି ଜିଲାପରିଷଦ ଜୋନରେ ମୋଟ ୧୨୩୧୨୮ ଭୋଟର ରହିଥିବା ବେଳେ ସେଥିମଧ୍ୟରୁ ୯୭୨୨୨ଜଣଭୋଟ ଦେଇଛନ୍ତି। ଯାହାକି ୭୮.୯୬ ପ୍ରତିଶତ ଭୋଟଦାନ ହୋଇଛି।
ଭୋଟଗ୍ରହଣ ଶାନ୍ତିଶୃଙ୍ଖଳାର ସହ ହୋଇଥିବା ବେଳେ କୌଣସି ଅପ୍ରତିକର ଘଟଣା ଘଟିନାହିଁ। ଜିଲାପାଳ ଡଃ.କମଳଲୋଚନ ମିଶ୍ର ଓ ଏସପି ପିଏସ. ପୁରୁଷୋତ୍ତମ ଦାସ ବିଭିନ୍ନବୁଥକୁ ଯାଇ ସ୍ଥିତି ଅନୁଧାନ କରିଥିଲେ। ତେବେ ଅପ୍ରତିକର ପରିସ୍ଥିତି ହୋଇନଥିବା ବେଳେ ସୁରୁଖୁରୁରେ ନିର୍ବାଚନ ଶେଷ ହୋଇଛି। ତେବେ ଜିଲାର ୧୦ଟିବ୍ଲକରେ ପାଞ୍ଚଟି ପର୍ଯ୍ୟାୟରେ ୨୬ଟି ଜିଲା ପରିଷଦ ଜୋନରେ ସମସ୍ତ ଭୋଟ ଗ୍ରହଣ ସମାପ୍ତ ହୋଇଛି।
