ପାଟଣା: କେନ୍ଦୁଝର ଜିଲା ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥର ରେଙ୍ଗାଳବେଡା ନିକଟରେ ଆଜି ବିଳମ୍ୱିତ ସନ୍ଧ୍ୟାରେ ଏକ ପିଆଜ ବୋଝେଇ ଟ୍ରକ ହାଇୱା ପଛରେ ଧକ୍କା ଦେଇ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାରେ ପିଆଜ ବୋଝେଇ ଟ୍ରକର ଚାଳକ ଓ ସହାୟକ ଗୁରୁତର ଆହତ ହୋଇଛନ୍ତି। ସେମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଚିକିତ୍ସା ପାଇଁ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି।
ସୂଚନା ଅନୁଯାୟୀ କେନ୍ଦୁଝରରୁ ତୁରୁମୁଙ୍ଗା ଅଭିମୁଖେ ଆସୁଥିବା ଏକ ହାଇୱା ରେଙ୍ଗାଳବେଡା ନିକଟରେ ହଠାତ୍ ବ୍ରେକ ମାରି ଦେବାରୁ ପଛରେ ଆସୁଥିବା ପିଆଜ ବୋଝେଇ ଟ୍ରକଟି ହାଇୱା ପଛରେ ପିଟି ହୋଇ ଦୁର୍ଘଟଣା ଗ୍ରସ୍ଥ ହୋଇଥିଲା । ଦୁର୍ଘଟଣା ପିଆଜ ବୋଝେଇ ଟ୍ରକ ଚାଳକଙ୍କ ମୁଣ୍ଡ ରେ ଗଭୀର ଆଘାତ ଲାଗିଥିବା ବେଳେ ସହାୟକ ଜଣଙ୍କର ଗୋଡ ଭାଙ୍ଗି ଯାଇଥିବା ଜଣାପଡିଛି। ଘଟଣା ସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ଦୁର୍ଘଟଣାଗ୍ରସ୍ତ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି।
Comments are closed.