ପିପିଲି:ପିପିଲି ବ୍ଲକର ଲକ୍ଷ୍ମୀନାରାୟଣପୁର ପଞ୍ଚାୟତ ଅନ୍ତର୍ଗତ ସଙ୍ଗଳେଇଶାସନ ଖେଳପଡିଆ ଠାରେ ୧୫ତମ ଦିନିକିଆ ସାଇଶଙ୍କର ଭଳି ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏହାକୁ ସ୍ଥାନୀୟ ବିଧାୟକ ରୁଦ୍ରପ୍ରତାପ ମହାରଥୀ ଉଦ୍ଘାଟନ କରିଥିଲେ। ଏଥିରେ ଅତିଥି ଭାବେ ଖ୍ୟାତିସଂପନ୍ନ ଭଲି ରେଫରି ସୁଦର୍ଶନ ପଟ୍ଟନାୟକ, ନିଜାମ ଅଲ୍ଲୀ, ପିପିଲି ସାଂସ୍କୃତିକ ପରିଷଦର ସାଧାରଣ ସଂପାଦକ ରମେଶ ଚନ୍ଦ୍ର ମହାପାତ୍ର, ସମାଜସେବୀ ଦୀନବନ୍ଧୁ ବେହୁରା, କାର୍ତ୍ତିକ ପ୍ରଧାନ, ପ୍ରତାପ ଉପାଧ୍ୟାୟ ପ୍ରମୁଖ ଯୋଗଦେଇ ସମସ୍ତ ଖେଳାଳିଙ୍କୁ ଉତ୍ସାହିତ କରିଥିଲେ।
ଏଥିରେ ରାଜ୍ୟର ବିଭିନ୍ନ ସ୍ଥାନରୁ ୮ଟି ଦଳ ଯୋଗ ଦେଇଥିଲେ। ହବିବ ଜଟଣୀ ଭଲି ଟିମ୍ ଓ ଭିଙ୍ଗାରପୁର ଭଲି ଟିମ୍ ମଧ୍ୟରେ ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିବା ବେଳେ ଭିଙ୍ଗାରପୁର ଟିମ୍ ହବିବ ଜଟଣୀକୁ ହରାଇ ଚମ୍ପିଆନ ହୋଇଥିଲା। ଉଭୟ ଚମ୍ପିଆନ ଓ ରନର୍ସ ଦଳକୁ ଟ୍ରଫି ସହ ଅର୍ଥ ପୁରସ୍କାର ପ୍ରଦାନ କରାଯାଇଥିଲା। ଟୁର୍ଣ୍ଣାମେଣ୍ଟରେ ରେଫରୀ ଭାବେ ଭିକାରୀ ଚରଣ ବେହେରା ଓ ବିଚିତ୍ରାନନ୍ଦ ପଣ୍ଡା ସମସ୍ତ ମ୍ୟାଚ୍କୁ ପରିଚାଳନା କରିଥିଲେ। ଆୟୋଜକ ସାଇଶଙ୍କର ଭଲି ଟିମ୍ର ଖେଳାଳି ପବିତ୍ର ଉପାଧ୍ୟାୟ, ଦୀପ୍ତି ରଞ୍ଜନ ପଣ୍ଡା, ପବିତ୍ର ମହାପାତ୍ର, ସନ୍ତୋଷ କୁମାର ପଣ୍ଡା ଓ ତୋଫାନ ଖଟେଇ ପ୍ରମୁଖ ସମସ୍ତ କାର୍ଯ୍ୟକୁ ପରିଚାଳନା କରିଥିଲେ।
Comments are closed.