ଭୁବନେଶ୍ବର: କରୋନା ମହାମାରୀ କୋଭିଡ-୧୯ର ନୂତନ ପ୍ରକରଣ ଓମିକ୍ରନ୍ ଯୋଗୁ ରକ୍ତଦାନ ଶିବିର ସଂଖ୍ୟା ବହୁତ ହ୍ରାସ ପାଇଛି। ଓଡିଶାର ପ୍ରାୟ ସମସ୍ତ ରକ୍ତ ବ୍ୟାଙ୍କରେ ରକ୍ତ ଶୁଷ୍କ ପରିସ୍ଥିତି ସୃଷ୍ଟି ହୋଇଛି। ଏହାକୁ ଦୃଷ୍ଟିରେ ରଖି ଏବଂ ସଡକ ସୁରକ୍ଷା ମାସକୁ ପାଳନ ଉଦେଶରେ ଶିଶୁ ଏବଂ ମହିଳା ବିକାଶ ସୋସାଇଟି ଅଧ୍ୟକ୍ଷା କଳ୍ପନା ଦାସଙ୍କ ତତ୍ତ୍ବାବଧାନରେ ଭୁବନେଶ୍ବରର ୟୁନିଟ-୯ରେ ଥିବା ମଙ୍ଗଳା ମନ୍ଦିରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି I ମନ୍ଦିରର ପୁରୋହିତ ପବିତ୍ର ମିଶ୍ର ରକ୍ତଦାତାମାନଙ୍କୁ ଉତ୍ସାହିତ କରିଥିଲେ।
ସିଡବ୍ଲୁଡିଏସର ପରାମର୍ଶଦାତା ଡ.ସୁଶୀଲ କୁମାର ପଟ୍ଟନାୟକ ଏହି ରକ୍ତଦାନ କାର୍ଯ୍ୟକ୍ରମକୁ ସଂଯୋଜନା କରିଥିଲେ। ଏହି ଅବସରରେ ୨୧ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ରକ୍ତ ବ୍ୟାଙ୍କରେ ସ୍ବେଚ୍ଛାକୃତ ଭାବରେ ଦାନ କରିବାକୁ ଏବଂ ଥାଲାସେମିଆ, ଗର୍ଭବତୀ ମହିଳା, କର୍କଟ ରୋଗୀ, ସଡ଼କ ଦୁର୍ଘଟଣାଗ୍ରସ୍ତ ପୀଡିତ ଇତ୍ୟାଦି ରୋଗୀଙ୍କୁ ରକ୍ତ ଯୋଗାଇବା ପାଇଁ ରକ୍ତଦାନ ଶିବିର ଆୟୋଜନ କରିବାକୁ କଳ୍ପନା ଦାସ ଜନସାଧାରଣଙ୍କୁ ନିବେଦନ କରିଛନ୍ତି।
Comments are closed.