ମୋହନା: ବିଦ୍ୟୁତ ସଟ ସର୍କିଟ ଘଟି ୩ ପରିବାରର ଗୋଟିଏ ଲେଖାଏଁ ବଖରା ପୋଡ଼ି ଭସ୍ମୀଭୁତ ହୋଇଯାଇଛି। ଘଟଣା ଘଟିଛି ମୋହନା ବ୍ଳକ ଅନ୍ତର୍ଗତ ବଡ ସିଦ୍ଧବା ପଞ୍ଚାୟତ ଅଧିନ ବାରିଆବନ୍ଧ ଗ୍ରାମରେ। ଶନିବାର ଅପରାହ୍ନ ସମୟରେ ପାଉଲ ମଣ୍ଡଳଙ୍କ ଘରୁ ବିଦ୍ୟୁତ ସର୍ଟ ସର୍କିଟ ଯୋଗୁଁ ହଠାତ ନିଆଁ ଲାଗି ପଡୋଶି ଜୀବିତ ମଣ୍ଡଳ ଓ ମଙ୍ଗଳା ଶବରଙ୍କ ଘରକୁ ନିଆଁ ସଙ୍ଗେ ସଙ୍ଗେ ବ୍ୟାପି ଯାଇଥିଲା। ୩ଟି ପରିବାରର ଗୋଟିଏ ଲେଖାଏଁ ବଖରା ପୋଡି ଯିବା ସହ ଘରର ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି।
ଖବର ପାଇ ଅଗ୍ନିଶ୍ରମ ବାହିନୀ ଅଧିକାରୀ ତାରାକାନ୍ତ ମହାପାତ୍ର ଓ କର୍ମଚାରୀ ଗାଁରେ ପହଞ୍ଚିବା ବେଳକୁ ଗ୍ରାମବାସୀ ନିଆଁକୁ ଆୟତ୍ତ କରିଦେଇଥିଲେ। ସମସ୍ତ ପରିବାର ଗରୀବ ଶ୍ରେଣୀର ଦିନ ମଜୁରିଆ ହୋଇଥିବାରୁ ସେମାନଙ୍କୁ ସରକାରୀ ସହାୟତା ଯୋଗାଇଦେବା ପାଇଁ ଗ୍ରାମବାସୀ ପ୍ରଶାସନକୁ ଅନୁରୋଧ କରିଛନ୍ତି।
Comments are closed.