ରେଙ୍ଗାଲିକ୍ୟାମ୍ପ: ଅତାବିରାର କଳାପ୍ରେମୀ ତଥା ସାହିତ୍ୟ ପ୍ରେମୀମାନଙ୍କ ଦ୍ଵାରା ଗଢ଼ିଉଠିଥିବା କଳା ଓ ସଂସ୍କୃତି ଭବନରେ ଆଜି ସୟଦ କଡକଙ୍କ ସଭାପତିତ୍ବରେ ଭାରତର କୋକିଲା କଣ୍ଠୀ, ବାଣୀକନ୍ୟା ଲତା ମଙ୍ଗେସକରଙ୍କ ଉଦ୍ଦେଶ୍ୟରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଯାଇଛି। ପ୍ରଥମେ ଲତାଙ୍କ ଫଟୋ ଚିତ୍ରରେ ଦୀପ ପ୍ରଜ୍ବଳନ ପୂର୍ବକ ଶ୍ରଦ୍ଧାସୁମନ ଅର୍ପଣ କରାଯାଇଥିଲା।ଏହା ପରେ ତାଙ୍କର ଅମର ଆତ୍ମାର ସଦଗତି ନିମନ୍ତେ ନୀରବ ପ୍ରାର୍ଥନା କରାଯାଇ ଥିଲା।
ଇନ୍ଦିରା ତ୍ରିପାଠୀ ଲତାଙ୍କ ଉପରେ ଆଧାରିତ ଗୀତ ଗାୟନ କରିଥିଲେ। ଉପସ୍ଥିତ ସମସ୍ତେ ନିଜ ନିଜ ଅଭିଭାଷଣରେ ଲତାଙ୍କ ସ୍ମୃତିଚlରଣ କରିବା ସହ ଲତାଙ୍କ ଖାଲି ସ୍ଥାନ ଅପୂର୍ଣ୍ଣ ହୋଇ ରହିବ ବୋଲି ପ୍ରକାଶ କରିଥିଲେ। ଏହି ଅବସରରେ କଳା ସଂସ୍କୃତି ଭବନର ସଭାପତି ତେଜରାଜ ପ୍ରଧାନ ପ୍ରତି ବର୍ଷ ଲତାଙ୍କ ନାମରେ ନୃତ୍ୟ,ଗୀତ ଆଦି କଲାଭିତ୍ତିକ ପ୍ରତିଯୋଗିତା ଏହି ଅନୁଷ୍ଠାନ ଦ୍ଵାରା କରାଯିବ ବୋଲି ଘୋଷଣା କରିଥିଲେ। ଏହି ଶ୍ରଦ୍ଧାଞ୍ଜଳି ସଭାରେ ବରିଷ୍ଠ ନାଗରିକ ସଂଘର ସଭାପତି ବେଣୁଧର ମିଶ୍ର, ଶିକ୍ଷା ପ୍ରେମୀ ନିତ୍ୟାନନ୍ଦ ପ୍ରଧାନ, ବିଶିଷ୍ଟ ସମାଜ ସେବୀ କୃଷ୍ଣଚନ୍ଦ୍ର ପ୍ରଧାନ, ସାହିତ୍ୟିକ ବିରେନ୍ଦ୍ର ପ୍ରସାଦ ମିଶ୍ର, କାଦିର ଖାଁ, ନିର୍ମଳ ପ୍ରଧାନ, ବାସୁଦେବ ପ୍ରଧାନ, ଗୁଣନିଧି ପ୍ରଧାନ, ଭୋଲାନଥ ପ୍ରଧାନ, ଗଣେଶ ତଥା ବିଭିନ୍ନ ଅନୁଷ୍ଠାନର କର୍ମକର୍ତ୍ତାମାନେ ଯୋଗଦାନ କରିଥିଲେ।
