ବାଙ୍କୀ:ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଗୋପାଳପୁର ପଞ୍ଚାୟତରେ ବିଜେଡି ସମର୍ଥିତ ପ୍ରାର୍ଥୀଙ୍କ ସ୍ଥାନୀୟ ବ୍ରହ୍ମେଇ ଠାକୁରାଣୀ ପୀଠରେ ଏକ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦେଇ କୋଭିଡ୍ କଟକଣା ସହିତ ପ୍ରାର୍ଥୀ ମାନେ କିଭଳି ଘରକୁ ଘର ବୁଲି ନିଜ ସପକ୍ଷରେ ଭୋଟ୍ ମାଗିବେ ଏନେଇ ବିଜୁ ଜନତା ଦଳର ପଞ୍ଚାୟତ ସ୍ତରୀୟ କର୍ମୀମାନେ ରଣ କୌଶଳ ପ୍ରସ୍ତୁତ କରିବା ପାଇଁ ଆହ୍ୱାନ ଦେଇଛନ୍ତି।
ପଞ୍ଚାୟତରେ ନିର୍ବାଚନ ଲଢୁଥିବା ସରପଞ୍ଚ ପ୍ରାର୍ଥିନୀ ଅବନ୍ତି ବେହେରା, ସମିତିସଭ୍ୟ ଦିବାକର ପଟ୍ଟନାୟକ ଏବଂ ୩୭ନଂ ଜୋନର ଜିଲା ପରିଷଦ ପ୍ରାର୍ଥିନୀ ମିନତୀ ମହାପାତ୍ର ପ୍ରମୁଖଙ୍କୁ ନିର୍ବାଚନ ଲଢେଇରେ ଜିତାଇବା ପାଇଁ କର୍ମୀ ସମ୍ମିଳନୀରେ ଆହ୍ୱାନ ଦିଆଯାଇଛି। ଏହି ସମ୍ମିଳନୀରେ ବିଶିଷ୍ଟ ବିଜେଡି ନେତା ସୁବାଷ ପାଢୀ, ସମରେନ୍ଦ୍ର ମହାପାତ୍ର, ପ୍ରଣବ ପଟ୍ଟେଲ,ବାବୁଲି ଦାସ,ମାନଗୋବିନ୍ଦ ସାହୁ ପ୍ରମୁଖ ଉପସ୍ଥିତ ଥିଲେ।
Comments are closed.