ବଲାଙ୍ଗିର: ରାଜନୀତିରେ ଘଡିକେ ଘୋଡା ଛୁଟୁଛି। କେଉଁଠି ବାପ-ପୁଅ ତ ପୁଣି କେଉଁଠି ଶାଶୁ-ବୋହୁ ପରସ୍ପର ବିରୋଧୀ ପ୍ରାର୍ଥୀ ହେବାର ଦେଖିବାକୁ ମିଳେ। ବଲାଙ୍ଗିର ଜିଲା ବେଲପଡ଼ା ଅଞ୍ଚଳର ଗୋଟିଏ ପରିବାରର ୭ଜଣ ସମିତି ସଭ୍ୟ ପ୍ରାର୍ଥୀ ହେବା ପାଇଁ ନାମାଙ୍କନ ଦାଖଲ କରିଥିବା ଜିଲାରେ ଆଲୋଚନାର ବିଷୟ ହୋଇଛି।
ସୂଚନା ଅନୁସାରେ, ବେଲପଡ଼ାର ଯୁବ ନେତା ଗଣେଶ କୁମ୍ଭାର ସମିତି ସଭ୍ୟ ପ୍ରାର୍ଥୀ ହୋଇଥିବା ବେଳେ ତାଙ୍କ ପରିବାରର ୩ ଝିଆରୀ, ପୁତୁରା, ପୁତୁରା ବୁହୂ ସମେତ ଲୋଇସିଂହା ବ୍ଲକରେ ତାଙ୍କ ଭାଣିଜୀ ମଧ୍ୟ ନାମାଙ୍କନ ଦାଖଲ କରିଛନ୍ତି। ବାହାବଲ ପଞ୍ଚାୟତରୁ ଗଣେଶଙ୍କ ପୁତୁରା ବୋହୁ ହେମଶ୍ରୀ କୁମ୍ଭାର ଲଢୁଥିବା ବେଳେ ବେହେରାମୁଣ୍ଡାରେ ପୁତୁରା ଦୁର୍ଯ୍ୟୋଧନ କୁମ୍ଭାର ପ୍ରତିଦ୍ୱନ୍ଦିତା କରୁଛନ୍ତି। ସେହିପରି ଯୁବା ପଞ୍ଚାୟତରୁ ଝିଆରୀ ଟିନା କୁମ୍ଭାର, ତେନ୍ତୁଳିଖୁଣ୍ଟିରୁ ତାଙ୍କ ଭଉଣୀ ପୁଷ୍ପାଞ୍ଜଳି ତାଣ୍ଡି, ଲୋଇସିଂହା ବ୍ଲକ ବାନିପାଲି ପଞ୍ଚାୟତରୁ ଭାଣିଜୀ ଜ୍ୟୋତ୍ସ୍ନାମୟୀ ନାଗ ସମିତି ସଭ୍ୟ ପ୍ରାର୍ଥୀ ହୋଇଛନ୍ତି।
Comments are closed.