କଣ୍ଟାବାଞ୍ଜି: କେଭି ଡିଗ୍ରୀ ମହାବିଦ୍ୟାଳୟରେ ‘ଅର୍ଥନୈତିକ ଭବିଷ୍ୟତ ଓ କୋଭିଡ ୧୯’ଶୀର୍ଷକ ଉପରେ ଏକ ଜାତୀୟ ୱେବିନର ଅନୁଷ୍ଠିତ ହୋଇଯାଇଛି। ବିଜନେସ ସ୍କୁଲ ନିର୍ଦେଶକ ଗୌତମ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ୱେବିନାରରେ ମୁଖ୍ୟ ଆଲୋଚକ ଭାବରେ ସନତ କୁମାର ଭରଦ୍ୱାଜ ଯୋଗଦେଇ ଆର୍ଥିକ ପରିଚାଳନା ବିନିଯୋଗ ସୁଯୋଗ ଓ ପୁଞ୍ଜି ବଜାର ଉପରେ ଆଲୋଚନା କରିଥିଲେ। କାର୍ଯ୍ୟକ୍ରମରେ ମହାବିଦ୍ୟାଳୟ ଅଧକ୍ଷ ସତ୍ୟବ୍ରତ ମିଶ୍ର ସଭାପତିତ୍ୱ କରି ଯୁବପିଢ଼ି କିଭଳି ଆର୍ଥିକ ପରିଚାଳନା ଓ ପୁଞ୍ଜି ବଜାର ଉପରେ ଜ୍ଞାନ ଆହରଣ କରିପାରିବେ ସେ ସମ୍ପର୍କରେ ବିଭିନ୍ନ ଉଦାହରଣ ଦେଇ ବକ୍ତବ୍ୟ ରଖିଥିଲେ।
- Advertisement -
ବାଣିଜ୍ୟ ଅଧ୍ୟାପକ ଯଶୋବନ୍ତ ନାରାୟଣ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଡ.ସଞ୍ଜୟ ମିଶ୍ର ଧନ୍ୟବାଦ ଅର୍ପଣ କରିଥିଲେ। ବମ୍ବେ ଷ୍ଟକ ଏକ୍ସଚେଞ୍ଜ ଏବଂ ଏୱକ ଇଣ୍ଡିଆ ଦ୍ୱାରା ପ୍ରାୟୋଜିତ ଏହି ୱେବନାରରେ ୮୦ଜଣ ଛାତ୍ର ଛାତ୍ରୀ ଓ ଅଧ୍ୟାପକ, ଅଧ୍ୟାପିକା ଯୋଗଦେଇଥିଲେ।
