ଦେଶର ସର୍ବବୃହତ କାର୍ ନିର୍ମାତା ମାରୁତି ସୁଜୁକି କମ୍ପାନୀ ଚଳିତ ଆର୍ଥିକ ବର୍ଷରେ ଚତୁର୍ଥବାର ଲାଗି ଆଜି ଗାଡ଼ିଗୁଡ଼ିକର ମୂଲ୍ୟବୃଦ୍ଧି କରିଛି। ଏଥିପାଇଁ କମ୍ପାନୀ ଅଧିକ ଉତ୍ପାଦନ ଖର୍ଚ୍ଚକୁ କାରଣ ଦର୍ଶାଇଛି। ମାରୁତି କମ୍ପାନୀର ପ୍ରତ୍ୟେକ ମଡେଲର ମୂଲ୍ୟ ବର୍ତ୍ତମାନ ୧.୭% ବୃଦ୍ଧି ପାଇବ। ଦେଶରେ ବିକ୍ରି ହେଉଥିବା ପ୍ରତି ଦୁଇଟି କାର୍ ମଧ୍ୟରୁ ଗୋଟିଏ କାର୍ ମାରୁତି କମ୍ପାନୀର ରହିଛି ଓ ମାରୁତି କାର୍ଗୁଡ଼ିକ ଶସ୍ତାରେ ମିଳୁଥିବାରୁ ଏହା ପ୍ରତି ଚାହିଦା ଅଧିକ ରହିଛି। ଗତବର୍ଷ ସାମଗ୍ରୀଗୁଡ଼ିକର ବିଶେଷ କରି ଧାତବ ପଦାର୍ଥର ମୂଲ୍ୟ ବୃଦ୍ଧି ଯୋଗୁଁ ଉତ୍ପାଦନକାରୀମାନଙ୍କୁ ଅଧିକ ଖର୍ଚ୍ଚ କରିବାକୁ ପଡ଼ୁଛି ଓ ଏହାର ଫଳସ୍ୱରୂପ ସେମାନେ ଗାଡ଼ିଗୁଡ଼ିକର ଦାମ୍ ବୃଦ୍ଧି କରୁଛନ୍ତି।
Comments are closed.