ଗୋପାଳପୁର: ରଙ୍ଗେଇଲୁଣ୍ଡା ବ୍ଲକ ଅନ୍ତର୍ଗତ ତତଡାପଲ୍ଲୀ ଠାରେ ଶୁକ୍ରବାର ଦିନ ରାଜନେତା ତଥା ଆଇନଜୀବୀ ଅଜିତ ଦାସଙ୍କ ନେତୃତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା।ଏହି ବୈଠକରେ ଲୟର ଫୋରମ ଅଫ ଗୋପାଳପୁର ନାମରେ ଏକ ସଂଘ ଗଠନ ନିମନ୍ତେ ନିଷ୍ପତ୍ତି ନିଆଯବା ସହ ସଂଘ ଗଠନ କରାଯାଇଥିଲା। ଏହି ସଂଘ ଓକିଲ ସମାଜର ସୁରକ୍ଷା, ଏକତା ଏବଂ ସମ୍ମନ୍ନୟ ରକ୍ଷା କରିବା ସହିତ ସମାଜର ସୁରକ୍ଷା ଶାନ୍ତି ପ୍ରତିଷ୍ଠା ସହ ଅଞ୍ଚଳବାସୀଙ୍କୁ ନିଶୁଳ୍କ ଆଇନ ସେବା ପ୍ରଦାନ କରିବା ନିମନ୍ତେ ସର୍ବସମ୍ମତି ନିଷ୍ପତ୍ତି ନିଆଯାଇଥିଲା।
ଏହି ଅବସରରେ ସଂଘ ସଭାପତି ଭାବେ ଅଜିତ କୁମାର ଦାସ ଏବଂ ଉପଦେଷ୍ଟା ଭାବେ ବରିଷ୍ଠ ଆଇନଜୀବୀ ପ୍ରଦୀପ କୁମାର ଶତପଥୀଙ୍କୁ ମନୋନୀତ କରାଗଲା।ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଆଇନଜୀବୀ ଧର୍ମେନ୍ଦ୍ର ରାଉଳ, ରଘୁନାଥ ହୋତା, ଜୀବନାନନ୍ଦ ପଟନାୟକ, ଯୋଗୀ ନାହାକ, ଏମ.ସନ୍ତୋଷ, ପ୍ରକାଶ ସେଠି, ମୃତ୍ୟୁଞ୍ଜୟ ମହାରଣା, ଶିବପ୍ରସାଦ ପାଢ଼ୀଙ୍କ ସହିତ ପ୍ରାୟ ୪୦ରୁ ଉର୍ଦ୍ଧ ଆଇନଜୀବୀ ଉପସ୍ଥିତ ରହିଥିଲେ।
