l ୨୦୦୯ରେ ଆରମ୍ଭ ହୋଇଥିବା ଧାରାବାହିକ ‘ପବିତ୍ର ରିସ୍ତା’ ବେଶ୍ ଲୋକପ୍ରିୟତା ହାସଲ କରିପାରିଥିଲା। ଏହାର ଦୁଇ ପ୍ରମୁଖ ଚରିତ୍ର ମାନବ-ଅର୍ଚ୍ଚନା ଥିଲେ ଦର୍ଶକଙ୍କ ପାଇଁ ମୁଖ୍ୟ ଆକର୍ଷଣ। ଏଥିରେ ବେଶ୍ ସୁନ୍ଦର ଅଭିନୟ କରିଥିଲେ ଦିବଂଗତ ଅଭିନେତା ସୁଶାନ୍ତ ସିଂ ରାଜପୁତ୍ ଏବଂ ଅଙ୍କିତା ଲୋଖଣ୍ଡେ। ଏହି କାର୍ଯ୍ୟକ୍ରମରୁ ଲୋକପ୍ରିୟତା ପାଇ ସୁଶାନ୍ତ ସିନେଜଗତରେ ପ୍ରବେଶ କଲେ। ୨୦୨୦ରେ ସୁଶାନ୍ତଙ୍କ ଅକାଳ ମୃତ୍ୟୁ ପରେ ପୁଣି ‘ପବିତ୍ର ରିସ୍ତା’ ଚର୍ଚ୍ଚା ପରିସରକୁ ଆସିଲା। ପ୍ରଯୋଜକ ଏକତା କପୁର ଘୋଷଣା କଲେ ଖୁବ୍ ଶୀଘ୍ର ସୁଶାନ୍ତଙ୍କ ସ୍ମୃତିରେ ସେ ଏହାର ଦ୍ବିତୀୟ ଭାଗ କାମ ଆରମ୍ଭ କରିବେ। ଚଳିତ ବର୍ଷ ସେପ୍ଟେମ୍ବରରୁ ‘ପବିତ୍ରରିସ୍ତା ସିଜନ୍-୨’ର ପ୍ରସାରଣ ଆରମ୍ଭ ହୋଇଛି। ଏହାର ମୁଖ୍ୟ ଚରିତ୍ରରେ ଅଙ୍କିତା ଲୋଖଣ୍ଡେ ଓ ଶାହିର୍ ଶେଖ୍ ଅଭିନୟ କରିଛନ୍ତି। ପ୍ରଥମ ଭାଗ ଶେଷ ହେବାର ୭ବର୍ଷ ପରେ କେବଳ ସୁଶାନ୍ତଙ୍କ ସ୍ମୃତିରେ ଦ୍ବିତୀୟ ଭାଗର ଶୁଭାରମ୍ଭ କରାଯାଇଛି।
l ଅନ୍ୟ ଏକ କାର୍ଯ୍ୟକ୍ରମ ‘ବାଳିକା ବଧୂ’ର ଦ୍ବିତୀୟ ଭାଗର ପ୍ରସାରଣ ମଧ୍ୟ ୫ ବର୍ଷ ପରେ ଆରମ୍ଭ ହୋଇଛି। ଏଥର ମୁଖ୍ୟ ଭୂମିକାରେ ଶିବାଙ୍ଗୀ ଯୋଶୀ (ଆନନ୍ଦୀ) ଓ ରଣଦୀପ ରାୟ (ଆନନ୍ଦ) ଅଭିନୟ କରୁଛନ୍ତି। ଧାରାବାହିକର ଲୋକପ୍ରିୟ ଅଭିନେତ୍ରୀ ପ୍ରତ୍ୟୁଷା ବାନାର୍ଜୀ (ଆନନ୍ଦି), ସିଦ୍ଧାର୍ଥ ଶୁକ୍ଳା (ଶିବରାଜ) ଏବଂ ସୁରେଖା ସିକ୍ରି (ଦାଦି ସା’)ଙ୍କର ପରଲୋକ ହୋଇଯାଇଛି। ତଥାପି ପ୍ରଶଂସକ ଏମାନଙ୍କୁ ବହୁତ ମନେପକାଉଛନ୍ତି।
