ପାଟଣା : କେନ୍ଦୁଝର ଜିଲ୍ଲା ପାଟଣା ରେଞ୍ଜରେ ପୁଣି ୨୬ ଟିକିଆ ହାତୀପଲ ପ୍ରବେଶ କରି ବ୍ୟାପକ ଉପଦ୍ରବ ଚଳାଇଛନ୍ତି । ବିଭିନ୍ନ ଗ୍ରାମରେ ପଶି ବ୍ୟାପକ ଧାନ ଫସଲ ନଷ୍ଟ କରିଛନ୍ତି । ଏହାସହ କଟାଧାନ ଖାଇବା ସହ ମାଡିଦଳି ନଷ୍ଟ କରିଛନ୍ତି । ଏଥିସହ ଏହି ହାତୀ ପଲ ବିଳମ୍ବିତ ରାତିରେ ରାଜନଗରର ପ୍ରାଚୀନ ରଘୁନାଥ ଜିଉ ମଠ ପାଚେରୀ ଓ ଘର ଭାଙ୍ଗି ଦେଇଛନ୍ତି ।
ସେହିପରି କିମିରଦାପଶି ଗ୍ରାମର ଗୈାରୀ ମହାନ୍ତ ଓ ଭାଲୁପହାଡି ଗ୍ରାମର ଲକ୍ଷ୍ମୀକାନ୍ତି ମହାନ୍ତଙ୍କ ଧାନଖଳାରେ ପଶି କଟାଧାନ ଖାଇଥିବା ସହ ମାଡିଦଳି ନଷ୍ଟ କରିଛନ୍ତି । ଫଳରେ ଲୋକେ ଆତଙ୍କିତ ହୋଇପଡିଛନ୍ତି । ହାତୀ ଘଉଡାଇବା ପାଇଁ ପାଟଣା ବନ ବିଭାଗ ଓ କେନ୍ଦୁଝର ବନ ବିଭାଗ ଉଦ୍ୟମ ଜାରି ରଖିଛନ୍ତି । ଏହି ହାତୀ ପଲ ଏବେ ପଦ୍ମପୁର ସଂରକ୍ଷିତ ଜଙ୍ଗଲରେ ଥିବା ଜଣାପଡ଼ିଛି ।
ପାଟଣା ରେଞ୍ଜରେ ୨୬ ଟିକିଆ ହାତୀପଲଙ୍କ ଉପଦ୍ରବ
Popular Categories
Previous article
Next article