କାବୁଲରେ ବିସ୍ଫୋରଣ ଘଟି ୩୨ ମୃତ ୧୨୮ ଗୁରୁତର

କାବୁଲ .- କାବୁଲରେ ବିସ୍ଫୋରଣ ଘଟି ୩୨ ଜଣଙ୍କର ମୃତ୍ୟୁ ହୋଇଥିବା ବେଳେ ୧୨୮ ଜଣ ଗୁରୁତର ହୋଇଛନ୍ତି ।  କାବୁଲରେ ଏକ ଥାନା ନିକଟରେ ଜଣେ ଥାନା ଅଧିକାରୀଙ୍କ ବିରୋଧରେ ବିରୋଧ ପ୍ରଦର୍ଶନ କରିବା ପାଇଁ ଲୋକମାନେ ଏକାଠି ହୋଇଥିବା ବେଳେ ଏହି ବିସ୍ଫୋରଣ ଘଟିଥିଲା । ଏହାପରେ ଅଧିକରୁ ଅଧିକ ଲୋକ ସେଠାରେ ଜମା ହୋଇଥିଲା ।

ଆଉ ଏକ ବସ୍ଫୋରଣକୁ ସପ୍ତାହ ପୂରି ନ ଥିବା ବେଳେ ପୁଣି ଏହି ବିସ୍ଫୋରଣ ହୋଇଛି । ସେହି ବିସ୍ଫୋରଣରେ ୨୦ ଜଣଙ୍କର ମୃତ୍ୟୁ ହୋଇଥିଲା । ତାହା ଏକ ଆତ୍ମଘାତୀ ଆକ୍ରମଣ ଥିଲା । ଆଫଗାନିସ୍ଥାନର ଉତ୍ତରରେ ଏବେ ତାଲିବାନ୍‌ ଓ ସେନା ମଧ୍ୟରେ ଘମାଘୋଟ ଲଢେଇ ଚାଲିଛି ।

ମଙ୍ଗଳବାରରେ ହୋଇଥିବା ବିସ୍ଫୋରଣରେ ଗୁରୁତରମାନଙ୍କ ଅବସ୍ଥା ସଙ୍କଟାପନ୍ନ ରହିଥିବାରୁ ମୃତ୍ୟୁ ସଂଖ୍ୟା ବୃଦ୍ଧି ପାଇବ ବୋଲି ଆଶଙ୍କା କରାଯାଉଛି।