କଳାପଥର :କଳାପଥର ନିକଟ ଧଳାପଥର ଫାଣ୍ଡି ଅଧିନସ୍ଥ ଲକ୍ଷ୍ମୀବଜାରରେ ଗହଣା ଦୋକାନ କରିଥିବା ଜଣେ ବ୍ୟବସାୟୀଙ୍କ ଉପରକୁ ଆଜିରାତି ପ୍ରାୟ ୯ଟା ୧୫ ମିନିଟ ସମୟରେ କେହି ଅଜଣା ଦୁର୍ବୃତ୍ତ ବୋମାମାଡ଼ କରିଥିବା ସୂଚନା ମିଳିଛି। ଦୁର୍ବୁତ୍ତମାନେ ଗହଣା ଦୋକାନୀ ବ୍ୟବସାୟୀଙ୍କ ଉପରକୁ ବୋମାମାଡ କରି ସମସ୍ତ ଅଳଙ୍କାର ଲୁଟି ନେଇଥିବା ଜଣାପଡିଛି। ଦୋକାନୀଜଣଙ୍କ ରାତି ହେବାରୁ ନିଜର ଦୋକାନ ବନ୍ଦ କରି ଘରକୁ ଯିବାକୁ ଉଦ୍ୟମ କରୁଥିବାବେଳେ ହଠାତ୍ ୪ଜଣ ଦୁର୍ବୃତ୍ତ ସେଠାରେ ପହଂଚି ଦୋକାନୀଙ୍କୁ ଭୟଭୀତ କରାଇଶୋରୁମରେ ଥିବା ସମସ୍ତ ଅଳଙ୍କାର ନେଇ ପଳାଇ ଯାଇଥିଲେ। ତେବେ ସେମାନେ ଯିବା ସମୟରେ ଦୋକାନ ଉପରକୁ ଲକ୍ଷ୍ୟ କରି ଦୁଇଟି ବୋମା ମାଡ କରିଥିଲେ। ଫଳରେ ସେଠାରେ ଉପସ୍ଥିତ ଥିବାଲୋକମାନେ ଭୟରେ ଯିଏ ଜୁଆଡେ ଛତ୍ରଭଙ୍ଗ ଦେଇ ପଳାଇ ଯାଇଥିଲେ। ପରେ ସେମାନେ ଆରିକମା ରାସ୍ତାରେ ପଳାଇ ଯାଇଥିଲେ। ଜଣାଯାଇଛି ଯେ, ଧଳାପଥର ଗୋଲେଇଛକରୁ ଆରିକମା ଯିବା ରାସ୍ତାରେ ଉକ୍ତଗ୍ରାମର ନାରାୟଣ ବେହେରାଙ୍କ ‘ନାରାୟଣ ଜୁଏଲର୍ସ’ ନାମରେ ଏକ ସୁନା ଦୋକାନ ରହିଛି। ସେହି ଦୋକାନରେ ଉଭୟ ଦୁଇଭାଇ ନାରାୟଣ ଓ ରିତିକାନ୍ତ ମିଳିମିଶି ବ୍ୟବସାୟ କରନ୍ତି। ଆଜିରାତି ପ୍ରାୟ ୯ଟା ୧୫ ମିନିଟ ସମୟରେ ବଡଭାଇ ନାରାୟଣ ବେହେରା ନିଜର ସ୍ମାର୍ଟେଫୋନ ଖରାପ ହୋଇଥିବାରୁ ତାହାକୁ ସଜାଡିବା ନିମନ୍ତେ ନିକଟରେ ଥିବା ଏକ ଦୋକାନକୁ ଯାଇଥିଲେ। ଏହିସମୟରେ ୪ଜଣ ବ୍ୟକ୍ତି ମୁଖାପିନ୍ଧି ଦୋକାନ ଭିତରକୁ ପଶି କଣ ରଖିଛୁ ଦେ ବୋଲି କହିଥିଲେ। ସେମାନଙ୍କ ମଧ୍ୟରୁ ଜଣେ ଦୁବୃର୍ତ ରତିକାନ୍ତ ରମୁଣ୍ଡରେ ପିସ୍ତଲ ଲଗାଇ ସମସ୍ତ ସୁନା ଅଳଙ୍କାରଗୁଡିକୁ ବ୍ୟାଗରେ ଭର୍ତ୍ତି କରିଥିଲା। ତାହା ସହିତ କ୍ୟାସ ବାକ୍ସରେ ଥିବା ୧୫ ହଜାର ଟଙ୍କା ନେଇ ତୁରନ୍ତ ସେଠାରୁ ଆରିକମା ରାସ୍ତାରେ ପଲସର ଯୋଗେ ପଳାଇଯାଇଥିଲେ। ଦୁବୃର୍ତ୍ତମାନେ ଯିବାସମୟରେ ଦୁଇଟି ବୋମା ଫୁଟାଇ ଲୋକମାନଙ୍କୁ ଭୟଭୀତ କରାଇଥିଲେ। ଫଳରେ କୌଣସି ବ୍ୟକ୍ତି ସେମାନଙ୍କ ପାଖକୁ ଯାଇନଥିଲେ।ଖବର ପାଇ ବେଗୁନିଆ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
Comments are closed.