ମୁମ୍ବଇ: ବରୁଣ ଧାୱନ-କୃତି ସାନୋନ ଅଭିନୀତ ଚଳଚ୍ଚିତ୍ର ‘ଭେଡ଼ିୟା’ର ପ୍ରଥମ ଲୁକ୍ ଗୁରୁବାର ସାମ୍ନାକୁ ଆସିଛି। ସାମାଜିକ ଗଣମାଧ୍ୟମରେ ବରୁଣ ଚଳଚ୍ଚିତ୍ରର ପ୍ରଥମ ଲୁକ୍ ଶେୟାର କରିଛନ୍ତି। ଏହାପୂର୍ବରୁ ଗତକାଲି ସେ ଫିଲ୍ମର ମୋଶନ ପୋଷ୍ଟର ଶେୟାର କରିଥିଲେ ଏବଂ ଗୁରୁବାର ଏହାର ପ୍ରଥମ ଲୁକ୍ ଜାରି କରାଯିବ ବୋଲି ମଧ୍ୟ ସୂଚନା ଦେଇଥିଲେ। ଏଥିରେ ବରୁଣଙ୍କର ଏକ ଭିନ୍ନ ଅବତାର ଦେଖିବାକୁ ମିଳିଛି।
ଫିଲ୍ମର ପ୍ରଥମ ଲୁକ୍ରେ ବରୁଣ ବହୁତ ଭୟାନକ ରୂପରେ ନଜର ଆସିଛନ୍ତି। ଅନ୍ଧାରରେ ଚମକୁଥିବା ଆଖି ଓ ବିରାଟକାୟ କ୍ରୋଧ ଜର୍ଜରିତ ମୁହଁ। ଏହା ଏକ ହରର୍-କମେଡ଼ି ଭିତ୍ତିକ ଚଳଚ୍ଚିତ୍ର, ଯେଉଁଥିରେ ବରୁଣ ସାମରିକ ଅଧିକାରୀ କ୍ଷେତ୍ରପାଲ ଭୂମିକାରେ ଲୋକଙ୍କ ମନୋରଞ୍ଜନ କରୁଥିବା ଦେଖିବାକୁ ମିଳିବ। ଚଳଚ୍ଚିତ୍ରର ଶୁଟିଂ ଅରୁଣାଞ୍ଚଳ ପ୍ରଦେଶର ଘଞ୍ଚ ଅରଣ୍ୟରେ କରାଯାଇଛି। ବରୁଣ-କୃତିଙ୍କ ବ୍ୟତୀତ ଦୀପକ ଡୋବରିୟାଲ ଓ ଅଭିଷେକ ବାନାର୍ଜୀ ମଧ୍ୟ ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ ହୋଇଛନ୍ତି। ଅମର କୌଶିକ ନିର୍ଦେଶିତ ‘ଭେଡ଼ିୟା’ ୨୫ ନଭେମ୍ବର ୨୦୨୨ରେ ମୁକ୍ତିଲାଭ କରିବ।
