ପାଟଣା : ପାଟଣା ବ୍ଲକ ଅନ୍ତର୍ଗତ ଡୁମୁରିଆ ସ୍ଥିତ ଭୀମକୁଣ୍ଡ ଉଚ୍ଚ ମାଧ୍ୟମିକ ବିଦ୍ୟାଳୟର ଯୁବ ରେଡକ୍ରସ୍ ଓ ରେଡ ରିବନ କ୍ଲବ ତରଫରୁ ବିଶ୍ଵ ପ୍ରସିଦ୍ଧ ପର୍ଯ୍ୟଟନସ୍ଥଳୀ ଭୀମକୁଣ୍ଡଠାରେ ସ୍ବଚ୍ଛତା ହିଁ ସେବା ଲକ୍ଷ୍ୟ ରଖି ଏକ ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟର ଯୁବ ରେଡକ୍ରସ ମାର୍ଗଦର୍ଶକ ସନ୍ତୋଷ କୁମାର ସେନାପତି ଆନୁଷ୍ଠାନିକ ଭାବେ ଉଦଘାଟନ କରି ପରିବେଶ ସ୍ୱଚ୍ଛ ରହିଲେ ଆମେ ସୁସ୍ଥ ଓ ନିରୋଗ ରହିବା ସହ ମନରେ ଶାନ୍ତି ଆସିବା ଉପରେ ସ୍ଵେଚ୍ଛାସେବୀମାନଙ୍କୁ ଅବଗତ କରାଇଥିଲେ। ପରେ ପରେ ଯୁବ ରେଡକ୍ରସ ମାର୍ଗଦର୍ଶକ ସନ୍ତୋଷ କୁମାର ସେନାପତି ଓ ସହଯୋଗୀ ସନ୍ଦୀପ କୁମାର ମହାନ୍ତଙ୍କ ନେତୃତ୍ୱରେ ପର୍ଯ୍ୟଟନସ୍ଥଳୀକୁ ସ୍ବେଚ୍ଛାସେବୀ ମାନଙ୍କ ସହଯୋଗରେ ପରିଷ୍କାର କରାଇଥିଲେ। ଏହି କାର୍ଯ୍ୟକ୍ରମକୁ ଉପସ୍ଥିତ ଥିବା ପର୍ଯ୍ୟଟକ ତଥା ସ୍ଥାନୀୟ ଜନ ସାଧାରଣ ଉଚ୍ଚ ପ୍ରଶଂସା କରିଥିଲେ। ଯୁବ ରେଡକ୍ରସର ସମସ୍ତ ସ୍ଵେଚ୍ଛାସେବୀ ଆଗ୍ରହର ସହ ଉକ୍ତ କାର୍ଯ୍ୟକ୍ରମକୁ ସଫଳ କରାଇଥିଲେ। ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟର ସମସ୍ତ ଅଧ୍ୟାପକ ତଥା କର୍ମଚାରୀ ସହଯୋଗ କରିଥିଲେ।
Comments are closed.