ଗୁଡ଼ଭେଲା : ପୁଣିଥରେ ଚର୍ଚ୍ଚାରେ ବଲାଙ୍ଗୀର ଜିଲ୍ଲାର ତୁଷୁରା ସ୍ଥିତଧାନ ଘରା ତେଲ ନଦୀ ବ୍ରିଜ । ଏହି ବ୍ରିଜ ଉପରେ ପ୍ରତିଦିନ ଘଟୁଛି ଦୁର୍ଘଟଣା। କେତେବେଳେ ବ୍ରିଜ ଉପରୁ ଡେଇଁ ଦୁଇ ଭଉଣୀ ଆତ୍ମହତ୍ୟା କରିଛନ୍ତି ତ ପୁଣି କେତେବେଳେ ଚଳନ୍ତା ଟ୍ରକ ଗଳି ପଡୁଛି ବ୍ରିଜ ତଳେ । ଏହି ସବୁ ଘଟଣା ଲୋକଙ୍କ ମନରୁ ନ ଲିଭୁଣୁ ସୋମବାର ଆଉ ଏକ ଘଟଣା ସାମ୍ନାକୁ ଆସିଛି । ତେଲନଦୀ ପୋଲ ତଳେ ଏକ ନବଜାତ ଶିଶୁର ମୃତ ଦେହ ବାଲି ଶଯ୍ୟା ଉପରେ ପଡିଥିବା ଦେଖିବାକୁ ମିଲିଛି। ମୃତ ନବଜାତ ଶିଶୁକୁ କିଏ ଓ କେଉଁ ପରିସ୍ଥିତିରେ ନଦୀ ତଳକୁ ଫିଙ୍ଗି ଦେଇଛି ସେହି ଦିଗରେ ତୁଷୁରା ପୁଲିସ ତଦନ୍ତ ଆରମ୍ଭ କରିଛି । ନଦୀ ଭିତରେ ପଡିଥିବା ଶିଶୁର ଗୋଡରେ ସରକାରୀ ଟେଗ ମଧ୍ୟ ଲାଗିଥିବା ଦେଖିବାକୁ ମିଲିଛି। ଜନ୍ମ ଦେଇଥିବା ମାଁର ନାମ ମମତା ରଣା, ଆଇ ନମ୍ବର ୩୪୦୭୭, ଜନ୍ମ ହୋଇଥିବା ତାରିଖ ୬/୧୧/୨୧ ପୂର୍ବାହ୍ନ ୧୨.୧୨ ସମୟରେ ହୋଇଛି ଏବଂ ୨ କେ.ଜି ୨ ଶହ ୩୦ ଗ୍ରାମ ଓଜନ ଥିବା ସହ ନବଜାତ ଶିଶୁ ପୁତ୍ର ବଲାଙ୍ଗୀର ଭିମଭୋଇ
ଡାକ୍ତରଖାନାର ବୋଲି ଟେଗରେ ସୂଚନା ରହିଥିବା ତୁଷୁରା ପୋଲିସ ପକ୍ଷରୁ ସୂଚନା ମିଳିଛି ।
