ଗୁପଚୁପ ଖାଇଲେ ମିଳେ ଏହି ଲାଭ

ଗୁପ୍‍ଚୁପ୍‍ ଗୋଲଗପ୍ପେ ଅଥବା ପାନୀପୁରୀ ଦେଶର ବିଭିନ୍ନ ପ୍ରିୟ ଖାଦ୍ୟମାନଙ୍କ ମଧ୍ୟରୁ ଗୋଟିଏ। ଅଧିକାଂଶ ଲୋକଙ୍କୁ ଗୁପଚୁପ ଖାଇବା ବେଶ ପସନ୍ଦ। ପ୍ରତ୍ୟେକ ଏହାକୁ ବେଶ ଆନନ୍ଦରେ ଖାଇଥାଆନ୍ତି। ଗୁପଚୁପ ନାଁ ଶୁଣିବା ମାତ୍ରେ ପାଟିରେ ପାଣି ଆସିଯାଇଥାଏ। ଏହା ଖାଇବାକୁ ଯେପରି ସ୍ୱାଦିଷ୍ଟ ସ୍ୱାସ୍ଥ୍ୟ ପାଇଁ ଏହାର ଅନେକ ଉପକାରୀ ଗୁଣ ରହିଛି। ମାତ୍ର କେତୋଟି ଗୁପଚୁପ ଖାଇବା ଉଚିତ ତାହା ଜାଣିବା ମଧ୍ୟ ନିତ୍ୟାନ୍ତ ଆବଶ୍ୟକ। ଏହାସହ ଏହାକୁ ଘରେ ପ୍ରସ୍ତୁତ କରି ଖାଇବା ଦ୍ୱାରା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ଡାଏଟ ବିଶେଷଜ୍ଞଙ୍କ କହିବା ଅନୁଯାୟୀ, ୬ଟି ଗୁପଚୁପ ଖାଇବା ଦ୍ୱାରା ଓଜନ ହ୍ରାସ ପାଇଁ ସହାୟକ ହୋଇଥାଏ। ଏହାକୁ ଖାଇବା ଦ୍ୱାରା କ୍ୟାଲୋରୀ ମିଳିବା ସହ ଅଧିକ ସମୟ ଯାଏଁ ପେଟ ଭର୍ତ୍ତି ହୋଇ ରହିଥାଏ ଭଳି ଅନୁଭବ ହୋଇଥାଏ। ଏହା ଦ୍ୱାରା ଆପଣ ଅଧିକ ଖାଦ୍ୟ ଖାଇ ପାରିବେ ନାହିଁ। ଗୁପଚୁପ ଖାଇବା ସହ ଆପଣ ନିୟମିତ ବ୍ୟାୟାମ କରିବା ଓ କିଛି ସମୟ ଚାଲିବା ଉଚିତ।
ଗୁପଚୁପ ପାଇଁ ପ୍ରସ୍ତୁତ ହେଉଥିବା ପାଣିରେ ପୁଦିନାପତ୍ର,ଜିରା ଓ ହେଙ୍ଗୁ ନିଶ୍ଚୟ ମିଶାନ୍ତୁ। ଏହାଦ୍ୱାରା ଖାଦ୍ୟ ହଜମରେ ବେଶ ସହାୟକ ହୋଇଥାଏ। ଏହାସହ ଧନିଆପତ୍ରର ମଧ୍ୟ ବ୍ୟବହାର କରାଯାଇଥାଏ। ଜିରାର ବ୍ୟବହାର ହେବା ଫଳରେ ଖାଦ୍ୟ ହଜମ କରିବା ସହ ପାଟି ଦୁର୍ଗନ୍ଧ ହୋଇନଥାଏ।
ଗୁପଚୁପ ଘରେ ପ୍ରସ୍ତୁତ କରିବା ଉଚିତ। ସୁଜି ଛଡା ଅଟାରେ ପ୍ରସ୍ତୁତ ଗୁପଚୁପ ଖାଇବା ଉଚିତ। ଆଳୁର ପରିମାଣ କମ ଦେବା ସହ ଚଣାର ଅଧିକ ବ୍ୟବହାର କରିବା ଉଚିତ। ଲାଲ ଚଟଣି ବଦଳରେ ଦହିର ବ୍ୟବହାର ଉତ୍ତମ।
ଗୁପଚୁପ ଖାଇବା ଦ୍ୱାରା ଓଜନ ହ୍ରାସ କରିଥାଏ। ପାଚନ ତନ୍ତ୍ର ସୁସ୍ଥ ରହିବା ସହ କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ। ମାନସିକ ସ୍ତରରେ ଶାନ୍ତି ମିିଳିଥାଏ।