ବୌଦ୍ଧ: ଦୀର୍ଘ ଦିନ ହେଲା ସହରର ପ୍ରମୁଖ ସ୍ଥାନମାନଙ୍କରେ ବୁଲା ଗୋରୁଗାଈ ଭିଡ ଜମାଇବା ସହ ଏଣେ ତେଣେ ଶୋଇ ରହୁଥିବାରୁ ବାରମ୍ବାର ଛୋଟ ବଡ ଦୁର୍ଘଟଣା ସବୁ ଘଟୁଥିଲା। ଏହାବ୍ୟତୀତ ଗୋରୁ ପାଳକମାନଙ୍କ ଅବହେଳା ଯୋଗୁଁ ରାସ୍ତାଘାଟରେ ଗୋରୁଗାଈ ପ୍ରତିଦିନ ମଳତ୍ୟାଗ କରିବା ଦ୍ୱାରା ବିଜ୍ଞାପିତ ଅଞ୍ଚଳ ପରିଷଦର ସଫେଇ କର୍ମଚାରୀମାନଙ୍କୁ ନାକେଦମ ହେବାକୁ ପଡୁଥିଲା। ଶେଷରେ ପରିଷଦର ପ୍ରଶାସକ ତଥା ଜିଲାପାଳ ଲଲାଟେନ୍ଦୁ ମିଶ୍ରଙ୍କ ନିର୍ଦ୍ଦେଶକ୍ରମେ ବୁଲା ଗୋରୁଗାଈଙ୍କୁ ଧରି ଜବତ କରାଯିବା ସହିତ ମାଲିକମାନଙ୍କ ଠାରୁ ଜୋରିମାନା ଆଦାୟ କରାଯାଇଥିଲା। କିନ୍ତୁ ଅନେକ ବୁଲା ଗୋରୁଗାଈଙ୍କ କେହି ଦାବିଦାର ନଥିବାରୁ ଜିଲାସ୍ତରୀୟ ବୈଠକରେ ନିଷ୍ପତିକ୍ରମେ ସେମାନଙ୍କୁ ହରଭଙ୍ଗା ବ୍ଲକ ମଥୁରା ପଞ୍ଚାୟତର ଦନ୍ତାପାଲିସ୍ଥିତ ମାହେଶ୍ୱରୀ ଗୋଶାଳାକୁ ପ୍ରତିପାଳନ ନିମନ୍ତେ ପ୍ରଦାନ କରାଯାଇଥିବା ଜଣାପଡିଛି। ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦର ନିର୍ବାହୀ ଅଧିକାରୀ ଇଂ. ମନୋରଂଜନ ପଣ୍ଡା ଓ ଜିଲା ପ୍ରାଣୀ ସମ୍ପଦ ଅଧିକାରୀ ଡା. ଅମିତାଭ ପଣ୍ଡାଙ୍କ ଉପସ୍ଥିତିରେ ଦାବିଦାର ନଥିବା ଶତାଧିକ ଗୋରୁଗାଈଙ୍କୁ ଗୋଶାଳାର ଅଧ୍ୟକ୍ଷ ନିର୍ଗୁଣ ମହାକୁଡ ଓ ସମ୍ପାଦକ କୃତ୍ତିବାସ ପଲିଆଙ୍କୁ ହସ୍ତାନ୍ତର କରାଯାଇଥିବା ଜଣାପଡିଛି।
Popular Categories
Previous article
Next article