ନୂଆଦିଲ୍ଲୀ . – ଦେଶର ଚାରୋଟି ପ୍ରମୁଖ ମହାନଗରୀରେ ପେଟ୍ରୋଲ ଓ ଡିଜେଲ୍ ଦର ରେକର୍ଡ ସ୍ତରରେ ପହଞ୍ଛିଛି । ତୈଳ କମ୍ପାନୀମାନେ ଉଭୟ ପେଟ୍ରୋଲ ଓ ଡଜେଲ୍ ମୂଲ୍ୟକୁ ବୃଦ୍ଧି କରିଛନ୍ତି । ରବିବାରରେ ଦିଲ୍ଲୀରେ ପେଟ୍ରୋଲ ଦର ପ୍ରତି ଲିଟର ୭୮.୮୪ ଟଙ୍କାରେ ପହଞ୍ଚିଥିବା ବେଳେ ମୁମ୍ବାଇରେ ପେଟ୍ରେଲ ଦର ୮୬.୨୫ ଟଙ୍କା , କୋଲକାତାରେ ୮୧.୭୬ ଟଙ୍କା ଓ ଚେନ୍ନାଇରେ ୮୧.୯୨ ଟଙ୍କାରେ ପହଞ୍ଚିଛି ।
ସେହିପରି ଡିଜେଲ ମୂଲ୍ୟ ବୃଦ୍ଧି ପାଇ ଦିଲ୍ଲୀରେ ପ୍ରତି ଲିଟର ୭୦.୭୬ ଟଙ୍କା ହୋଇଥିବା ବେଳେ ମୁମ୍ବାଇରେ ୭୫.୧୨ ଟଙ୍କା, କୋଲକାତାରେ ୭୩.୬୧ ଟଙ୍କା ଓ ଚେନ୍ନାଇରେ ୭୪.୭୭ ଟଙ୍କାରେ ପହଞ୍ଚିଛି ।
ଟଙ୍କାର ମୂଲ୍ୟ ଆମେରିକୀୟ ଡଲାର ତୁଳନାରେ ହ୍ରାସ ପାଇଥିବାରୁ ପେଟ୍ରୋଲ ଓ ଡିଜେଲ୍ ଦର ବୃଦ୍ଧି ପାଇଥିବା ସୂଚନା ମିଳିଛି ।
