ପାଟଣା : ପାଟଣା ବିଧାୟକ ଜଗନ୍ନାଥ ନାଏକ ଆଜି ଅପରାହ୍ନରେ ପାଟଣା ଓ ସାହାରପଡା ବ୍ଲକର ବିଭିନ୍ନ ପଞ୍ଚାୟତରେ ବ୍ଲକ ପ୍ରଶାସନ ପକ୍ଷରୁ କରାଯାଇଥିବା ବାତ୍ୟା ଆଶ୍ରୟସ୍ଥଳୀ ବୁଲି ଦେଖିଛନ୍ତି । ସାହାରପଡା ବ୍ଲକରେ ବିଡ଼ିଓ ଲମ୍ବୋଦର ଖୁଣ୍ଟିଆ ଓ ଅନ୍ୟ ଅଧିକାରୀଙ୍କ ସହ ବାତ୍ୟା ପ୍ରସ୍ତୁତିର ସମୀକ୍ଷା ବୈଠକ କରିବା ପରେ ପାଟଣା ପାଟଣା ବ୍ଲକକୁ ଆସି ବିଡ଼ିଓ ଇଶ୍ଵର ଚନ୍ଦ୍ର ନାଏକ, ସହକାରୀ ନିର୍ବାହୀ ଯନ୍ତ୍ରୀ ଇଂ ପୁରୁଷୋତ୍ତମ ସାହୁ ଓ ଅନ୍ୟ ଅଧିକାରୀଙ୍କ ସହ ଏହାର ସମୀକ୍ଷା କରିଛନ୍ତି । ଆଶ୍ରୟ ସ୍ଥଳ ରେ ଆଶ୍ରୟ ନେଇଥିବା ଲୋକ ମାନଙ୍କର ଖାଦ୍ୟ ପେୟ ସହ ଆନୁସାଙ୍ଗିକ ସୁବିଧା ଯୋଗାଇ ଦେବାକୁ ଦୁଇ ବିଡ଼ିଓଙ୍କୁ ନିର୍ଦ୍ଦେଶ ଦେଇଛନ୍ତି ।
Comments are closed.