ତ୍ରିଭେନ୍ଦ୍ରମ: କେରଳରେ ହୋଇଥିବା ପ୍ରଳୟଙ୍କରୀ ବନ୍ୟାରେ ଯୁକ୍ତଦୁଇ ସାର୍ଟିଫିକେଟ୍ ନଷ୍ଟ ହୋଇଯିବାରୁ ଜଣେ ୧୯ ବର୍ଷିୟ ଛାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
Related Posts
ପ୍ରବଳ ବର୍ଷା ପରେ ବନ୍ୟା ଆସିବାରୁ କୋଝିକୋଡ ଜିଲା କରନ୍ତୁର ଗ୍ରାମର ର୍କୈଳାଶ ନାମକ ଛାତ୍ରଙ୍କ ଘର ସମ୍ପୂର୍ଣ୍ଣ ଭାବେ ବୁଡିଯାଇଥିଲା । ଏଥିରେ ତାଙ୍କର ସମସ୍ତ ଆସବାବ ପତ୍ର ବୁଡିଯାଇଥିଲା। ପାଣିରେ ବୁଡିଯିବାରୁ କୈଳାଶଙ୍କର ସାର୍ଟିଫିକେଟଟି ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିଲା । ସେହି ସମୟରେ ସେ ଏକ ରିଲିଫ କ୍ୟାମ୍ପରେ ଥିଲେ । ପରେ ପାଣି କମିବାରୁ ପରିବାର ଲୋକଙ୍କ ସହ ସେ ଘରକୁ ଫେରିଥିଲେ । ପାଣିରେ ବତୁରି ତାଙ୍କର ସାର୍ଟିଫିକେଟ ନଷ୍ଟ ହୋଇଯାଇଥିବାରୁ ସେ ମାନସିକ ଭାରସାମ୍ୟ ହରାଇଥିଲେ । ଏହାପରେ ସେ ଆତ୍ମହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି । ପୁଲିସରେ ଅଭିଯୋଗପରେ ଏବେ ପୁଲିସ ଏହି ଘଟଣାର ତଦନ୍ତ କରୁଛି ।
