ସ୍ୱାଭିମାନ ଲୋକଙ୍କ ମଧ୍ୟରେ ଖୁସିର ଲହରୀ ; ଭିଡିଓ କଂଫେରନ୍ସ ଜରିଆରେ କଥା ହେଲେ ମୁଖ୍ୟମନ୍ତ୍ରୀ

ମାଲକାନଗିରି  : ମାଲକାନଗିରି ଜିଲାର ସ୍ୱାଭିମାନ ଅଞ୍ଚଳ ବିକାଶ ଦିଗରେ ଅଗ୍ରଗତି କରୁଥିବା ବେଳେ ଅଞ୍ଚଳର ଲୋକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।ସ୍ୱାଭିମାନ ଅଞ୍ଚଳର ଲୋକଙ୍କ ସହ ସିଧାସଳଖ ଭିଡିଓ କଂଫେରନ୍ସ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଥା ହୋଇଥିବା ବେଳେ ଲୋକେ ବି ବେଶ ଖୁସିର ସହ ପ୍ରସ୍ତୁତ ହୋଇଛନ୍ତି। ନିଜ ଅଞ୍ଚଳରେ ହୋଇଥିବା ବିକାଶ ଓ ଅନ୍ୟାନ୍ୟ ସମସ୍ୟା ବିଷୟରେ ଜଣାଇବା ପାଇଁ ସେମାନେ ମତ ରଖିଛନ୍ତି । ବିଏସଏଫ କ୍ୟାମ୍ପରେ ମୁଖ୍ୟମନ୍ତ୍ରୀଙ୍କ ଭିଡିଓ କଂଫେରନ୍ସର ତଦାରଖ କରିବା ପାଇଁ ଜନତାପାଇ ବିଏସଏଫ କ୍ୟାମ୍ପରେ ପହଞ୍ଚିଛନ୍ତି । କ୍ରୀଡା ଓ ଆଇଟି ମନ୍ତ୍ରୀ ତୁଷାରକାନ୍ତି ବେହେରା ଓ କଟକ ସଦର ବିଧାୟକ ଚନ୍ଦ୍ର ସାରଥୀ ବେହେରା ଜନତାପାଇ ଠାରେ ଏହି କାର୍ୟ୍ୟକ୍ରମ ହେବାକୁ ଥିବାବେଳେ ଏମାନେ ତାହା ପୂର୍ବରୁ ପହଞ୍ଚି ସମସ୍ତ ପ୍ରସ୍ତୁତିକୁ ତଦାରଖ କରୁଛନ୍ତି । ଆଜି ଭିଡିଓ କଂଫେରନ୍ସ ଯୋଗେ ମୁଖ୍ୟମନ୍ତ୍ରୀ ଅଞ୍ଚଳବାସୀଙ୍କ ସହ କଥା ହେବା ସହିତ ମୋବାଇଲ ବଣ୍ଟନ କାର୍ଯ୍ୟକ୍ରମର ଉଦଘାଟନ କରିବେ ।