ହରଭଙ୍ଗା: ଚଳିତବର୍ଷ ମହାନଦୀ ବନ୍ୟାରେ ହରଭଙ୍ଗା ବ୍ଲକ ଅଞ୍ଚଳରେ ବ୍ୟାପକ ପରିମାଣରେ ରାସ୍ତାଘାଟ, ଅଙ୍ଗନଓାର୍ଡୀ, ସ୍କୁଲ,ଏବଂ ପଞ୍ଚାୟତ ଗୃହ କ୍ଷୟକ୍ଷତି ଘଟିଥିଲା। ଏ ନେଇ ବ୍ଲକ ପକ୍ଷରୁ ବିଭିନ୍ନ ବନ୍ୟାପ୍ରପୀଡିତ ପଞ୍ଚାୟତର କ୍ଷୟକ୍ଷତି ଆକଳନ ରିପୋର୍ଟ ବୌଦ୍ଧ ପ୍ରକଳ୍ପ ନିର୍ଦ୍ଦେଶକଙ୍କୁ ନିକଟକୁ ଅନୁମୋଦନ ପାଇଁ ପ୍ରଦାନ କରାଯାଇଥିଲା।ବ୍ଲକ ପକ୍ଷରୁ ଦିଆଯାଇଥିବା ସମସ୍ତ ୧୮୦ଟି ବନ୍ୟା କ୍ଷୟକ୍ଷତି ପ୍ରକଳ୍ପକୁ ପଞ୍ଚାୟତରାଜ ବିଭାଗ ପକ୍ଷରୁ ଅନୁମୋଦନ ମିଳିଥିବାବେଳେ ଏଥିପାଇଁ ୩ କୋଟି ୮୦ ଲକ୍ଷ ଟଙ୍କା ଅନୁଦାନ ମଞୁରୀ ହୋଇଥିବା ଜଣାପଡ଼ିଛି। ଏହି ଅନୁଦାନ ଅର୍ଥରେ ବନ୍ୟାରେ କ୍ଷୟକ୍ଷତି ଘଟିଥିବା ଅଧିକାଂଶ କଂକ୍ରଟି ରାସ୍ତା ସାଙ୍ଗକୁ କେତୋଟି ଅଙ୍ଗନଓାର୍ଡି କେନ୍ଦ୍ର, ସ୍କୁଲ ଏବଂ ପଞ୍ଚାୟତ ଗୃହ ମରାମତି ଏବଂ ନିର୍ମାଣ ପାଇଁ ପାଣ୍ଠି ବିନିଯୋଗ କରାଯିବ ବୋଲି ସ୍ଥିରିକୃତ ହୋଇଛି। ରାଜ୍ୟସରକାରଙ୍କ ତତକ୍ଷଣାତ୍ ସମସ୍ତ ବନ୍ୟା କ୍ଷୟକ୍ଷତି ପ୍ରକଳ୍ପ ପାଇଁ ଅନୁଦାନ ମଞୁରୀ କରିଥିବାରୁ ବ୍ଲକ ଅଧ୍ୟକ୍ଷ ବିଶ୍ୱଜିତ ମିଶ୍ର ପଞ୍ଚାୟତ ରାଜ ମନ୍ତ୍ରୀ ପ୍ରତାପ ଜେନା ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଏବଂ ବୌଦ୍ଧ ଗ୍ରାମ୍ୟଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ଶଶାଙ୍କ ଶେଖର ଦାଶଙ୍କୁ ଧନ୍ୟବାଦ ଜଣାଇଛନ୍ତି।
