ପ୍ରଧାନମନ୍ତ୍ରୀ ମୋଦୀଙ୍କୁ ରାହୁଳଙ୍କ ଆକ୍ଷେପ: ୧୨ କୋଟି ଚାକିରି ଉଭାନ, ପ୍ରଶ୍ନ କଲେ ଉତ୍ତର ଉଭାନ

ନୂଆଦିଲ୍ଲୀ: ଜିଡ଼ିପି ପରିସଂଖ୍ୟାନ ଜାରି ହେବା ପରେ କଂଗ୍ରେସ ସାଂସଦ ରାହୁଳ ଗାନ୍ଧୀ ଦେଶର ଅର୍ଥବ୍ୟବସ୍ଥାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିୟମିତ ଆକ୍ଷେପ କରିଆସୁଛନ୍ତି । ଗତ ସୋମବାର ଦିନ ଦେଶର ଜିଡ଼ିପି ପରିସଂଖ୍ୟାନ ପ୍ରକାଶ ପାଇଥିଲା । ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସିକରେ ଦେଶର ଆର୍ଥିକ ଅଭିବୃଦ୍ଧି ବିଯୁକ୍ତ ୨୩.୯% ରହିଥିବା ଦର୍ଶାଯାଇଥିଲା । ଏହାକୁ ନେଇ ରାହୁଳ ପ୍ରଦାନମନ୍ତ୍ରୀଙ୍କୁ ଆକ୍ଷେପ କରିଥିଲେ । ପ୍ରଧାନମନ୍ତ୍ରୀଙ୍କ ଯୋଗୁଁ ଦେଶ ଗତ ୬ ମାସ ହେଲା ସମସ୍ୟା ଭୋଗୁଛି ବୋଲି କହିଥିଲେ । ଏବେ ବିକାଶ ପ୍ରସଙ୍ଗରେ ରାହୁଳ ପ୍ରଧାନମନ୍ତ୍ରୀ ମୋଦୀଙ୍କୁ ଆକ୍ଷେପ କରି ଟ୍ବିଟ କରିଛନ୍ତି ।

India is reeling under Modi-made disasters:

1. Historic GDP reduction -23.9%
2. Highest Unemployment in 45 yrs
3. 12 Crs job loss
4. Centre not paying States their GST dues
5. Globally highest COVID-19 daily cases and deaths
6. External aggression at our borders

— Rahul Gandhi (@RahulGandhi) September 2, 2020

ରାହୁଳ କହିଛନ୍ତି ଯେ ଦେଶରୁ ୧୨ କୋଟି ରୋଜଗାର ଉଭାନ, ୫ ଟ୍ରିଲିୟନ ଅର୍ଥବ୍ୟବସ୍ଥା ଉଭାନ, ସାଧାରଣ ଲୋକଙ୍କ ଆୟ ଉଭାନ, ଦେଶର ସୁରକ୍ଷା ଉଭାନ ଆଉ ପ୍ରଶ୍ନ ପଚାରିଲେ ଉତ୍ତର ବି ଉଭାନ ।

ଏହାପୂର୍ବରୁ ରାହୁଳ ଗାନ୍ଧୀ ଦେଶର ବେକାରୀ ସମସ୍ୟା ସଂକ୍ରାନ୍ତ ଏକ ଖବରକୁ ନିଜ ଟ୍ବିଟରେ ସେୟାର କରି ପ୍ରଧାନମନ୍ତ୍ରୀଙ୍କୁ ନିଶାଣ କରିଥିଲେ । ସେଥିରେ ସେ ଲେଖିଥିଲେ -ମୋଦୀ ସରକାର, ରୋଜଗାର, ପରୀକ୍ଷାର ପରିଣାମ ଦିଅ, ଦେଶର ଯୁବକଙ୍କୁ ସମସ୍ୟାର ସମାଧାନ ଦିଅ ।

मोदी सरकार,

रोज़गार, बहाली, परीक्षा के परिणाम दो,
देश के युवाओं की समस्या का समाधान दो।https://t.co/dUnMicC8mN

— Rahul Gandhi (@RahulGandhi) September 4, 2020

୧୯୯୬ ମସିହାରୁ ଯେବେଠାରୁ ସରକାର ଦେଶର ଅଭିବୃଦ୍ଧି ହାର (ଜିଡ଼ିପି)ର ତ୍ରୟମାସିକ ପରିସଂଖ୍ୟାନ ଜାରି କରିବା ଆରମ୍ଭ କରିଛନ୍ତି, ସେବେଠାରୁ ଆର୍ଥିକ କ୍ଷେତ୍ରରେ ଏବେ ସବୁଠାରୁ ବଡ଼ ଅବନତି ଘଟିଛି । ଜିଡ଼ିପି ହ୍ରାସକୁ ନେଇ ରାହୁଳ ଗାନନ୍ଧୀ ଟ୍ବିଟ୍ କରି ଲେଖିଥିଲେ ଭାରତ ବର୍ତମାନ ସମୟରେ ମୋଦୀ ଜନିତ ବିପତ୍ତି ଭୋଗୁଛି । ୧. ଜିଡ଼ିପିରେ ଐତିହାସିକ ବିଯୁକ୍ତ ୨୩.୯ ହ୍ରାସ, ୨.ଗତ ୪୫ ବର୍ଷରେ ସବୁଠାରୁ ବଡ଼ ବେକାରୀ ସମସ୍ୟା, ୩. ୧୨ କୋଟି ଲୋକଙ୍କର ଚାକିରି ଯିବା, ୪. ରାଜ୍ୟଗୁଡ଼ିକୁ ସେମାନଙ୍କର ଜିଏସଟି ବକେୟା ପରିଶୋଧ ନ କରିବା, ୫. ପୁରା ବିଶ୍ବରେ ସବୁଠାରୁ ଅଧିକ ଦୈନିକ କରୋନା ସଂକ୍ରମଣ, ୬. ସୀମାରେ ବାହାର ଦେଶର ଆକ୍ରମଣ ।

? 12 करोड़ रोज़गार गायब
? 5 ट्रिलियन डॉलर अर्थव्यवस्था गायब
? आम नागरिक की आमदनी गायब
? देश की खुशहाली और सुरक्षा गायब
? सवाल पूछो तो जवाब गायब।#विकास_गायब_है

— Rahul Gandhi (@RahulGandhi) September 4, 2020