ପାଟଣା : ସର୍ପାଘାତରେ ଗୋଟିଏ ଗାଁ ର ଦୁଇ ଜଣଙ୍କ ମୃତ୍ୟୁ ଘଟିଛି। ପାଟଣା ବ୍ଲକ ଅନ୍ତର୍ଗତ ପଲାଣଘାଟି ପଂଚାୟତ କୁମୁଳାବାହଳି ଗ୍ରାମର ସନିଆ ମୁଣ୍ଡାଙ୍କ ସପ୍ତମ ଶ୍ରେଣୀରେ ପଢୁଥିବା ପୁଅ ଗୌରାଙ୍ଗ ମୁଣ୍ଡା(୧୩) ସର୍ପାଘାତରେ ଗୁରୁତର ହୋଇଥିଲେ । ଗତକାଲି ରାତି ଘରେ ଚଟାଣରେ ଶୋଇଥିବା ବେଳେ ମଶାରୀ ବାହାରକୁ ବାହାରି ଯାଇଥିବା ଗୌରାଙ୍ଗର ହାତକୁ ଏକ ବିଷଧର ସାପ କାମୁଡି ଦେଇଥିଲା । ତାକୁ କ’ଣ ଗୋଟାଏ କାମୁଡି ଦେଇଥିବା ଗୌରାଙ୍ଗ କହିବା ସତ୍ତ୍ୱେ ଘର ଲୋକ ଏହାକୁ ଗୁରୁତ୍ୱ ଦେଇ ନ ଥିଲେ । ଆଜି ସକାଳୁ ଗୌରାଙ୍ଗ ର ଅବସ୍ଥା ସଙ୍କଟାପନ୍ନ ହୋଇପଡିଥିବା ଦେଖି ତାକୁ ପାଟଣା ମେଡିକାଲରେ ଭର୍ତି କରାଯାଇଥିଲା । ଅବସ୍ଥା ସଙ୍ଗୀନ ଥିବାରୁ ଗୌରାଙ୍ଗକୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ନିଆ ଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଛି । ସେହିପରି ଏହି ଗ୍ରାମର ଜଣେ ମୂକ ବ୍ୟକ୍ତି ମଙ୍ଗଳୁ ମୁଣ୍ଡାଙ୍କୁ ମଧ୍ୟ ଏକ ବିଷାକ୍ତ ଚିତି ସାପ କାମୁଡିବାରୁ ଆଜି ତାଙ୍କୁ ପ୍ରଥମେ ପାଟଣା ଓ ପରେ କେନ୍ଦୁଝର ମେଡିକାଲକୁ ସ୍ଥାନାନ୍ତର କରାଯାଇଥିଲା । ମଙ୍ଗଳୁ ମୁଣ୍ଡା ଙ୍କର ମଧ୍ୟ ସେଠାରେ ମୃତ୍ୟୁ ଘଟିଛି ।
Comments are closed.