ମୁମ୍ବଇ : ହଲିଉଡ ଅଭିନେତା ନିକ୍ ଜୋନ୍ସ ଓ ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ମଧ୍ୟରେ ଚାଲୁଥିବା ଉଡା ଖବରରେ ଅନ୍ତ ଘଟିଛି। ନିକ୍ ଜୋନ୍ସ ନିଜର ଇଷ୍ଟାଗ୍ରାମ ଆକାଉଣ୍ଟରେ ପ୍ରିୟଙ୍କା ସହ ସମ୍ପର୍କକୁ ନେଇ ସ୍ୱୀକାର କରିଛନ୍ତି। ଶୁକ୍ରବାର ମୁମ୍ବଇ ନିକଟସ୍ଥ ଟିନସେଲ ସହରର ଏକ ହୋଟେଲରେ ଉଭୟଙ୍କୁ ଏକାଠି ଦେଖିବାକୁ ମିଳିଥିଲା। ନିକ୍ ଓ ପ୍ରିୟଙ୍କା ସହ ପ୍ରିୟଙ୍କାଙ୍କ ମା’ ମଧୁ ଚୋପ୍ରା ମଧ୍ୟ ଉପସ୍ଥିତଥିଲେ। ହୋଟେଲକୁ ଯିବା ସମୟରେ ଉଭୟ ପରସ୍ପରର ହାତ ଧରିଥିବାର ନଜର ଆସିଥିଲା। ଅଭିନେତା ନିକ ଜୋନ୍ସ ନିଜର ଇଷ୍ଟାଗ୍ରାମରେ ପ୍ରିୟଙ୍କା ନୃତ୍ୟ କରୁଥିବାର ଏକ ଭିଡିଓ ସେୟାର କରିଥିଲେ। ଏହା ପୂର୍ବରୁ ନିକ ଜୋନ୍ସଙ୍କ ସମ୍ପର୍କୀୟଙ୍କ ବିବାହରେ ପ୍ରିୟଙ୍କା ଯୋଗ ଦେଇଥିଲେ। ଅଭିନେତ୍ରୀ ପ୍ରିୟଙ୍କା ମା’ ଝିଅ ଓ ତାଙ୍କ ପୁରୁଷ ସାଥୀ ନିକଙ୍କ ସହ ହୋଟେଲକୁ ଯିବା ଏବେ ଚର୍ଚ୍ଚାର ବିଷୟ ହୋଇଛି। ବୋଧେ ଏହି ସମ୍ପର୍କକୁ ପାରିବାରିକ ସ୍ୱୀକୃତି ମିଳିସାରିଛି ବୋଲି ବଲିଉଡ଼ କରିଡ଼ରରେ ଚର୍ଚ୍ଚା ହେଉଛି। ୨୦୧୭ ମସିହା ମେଟାଗାଲା ଉତ୍ସବରେ ଏହି ଦୁଇ କଳାକାରଙ୍କ ମଧ୍ୟରେ ସର୍ମ୍ପକ ଗଢି ଉଠିଥିଲା ଓ ଏବେ ଏହି ସମ୍ପର୍କ ଅଧିକ ମଜଭୁତ ହୋଇଛି।
