ନୂଆଦିଲ୍ଲୀ: ଶତ୍ରୁପକ୍ଷ ସମ୍ପର୍କରେ ସୂଚନା ନିମନ୍ତେ ଗୁଇନ୍ଦା ବ୍ୟବହାର ବହୁ ପୁରୁଣା ପ୍ରଥା। ପ୍ରାଚୀନ କାଳରେ ପାରାମାନଙ୍କୁ ଗୋପନ ତଥ୍ୟ ପ୍ରେରଣ ନିମନ୍ତେ ବ୍ୟବହାର କରାଯାଉଥିଲା । ମାତ୍ର ନିକଟରେ କାଶ୍ମୀର କଠୁଆ ଜିଲାର ହୀରାନଗର ଅଞ୍ଚଳରେ ଧରା ପଡ଼ିଥିବା ଏକ ପାକିସ୍ତାନୀ ପାରା ପ୍ରସଙ୍ଗ ଏବେ ପ୍ରଧାନମନ୍ତ୍ରୀଙ୍କ ନିକଟରେ ପହଞ୍ଚିଛି । ଏହି ପାରାକୁ ମୁକୁଳାଇବାକୁ ପାକିସ୍ତାନରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅନୁରୋଧ ଆସିଛି । ତେବେ ପାକିସ୍ତାନ ସରକାର ନୁହେଁ, ସିଆଲକୋଟରେ ରହୁଥିବା ହବିବୁଲ୍ଲା ନାମକ ଜଣେ ବ୍ୟକ୍ତି । ଏହି ପାରାଟି ତାଙ୍କର ଏବଂ ସେ କୌଣସି ଗୁଇନ୍ଦା ବୃତ୍ତିରେ ନିଯୁକ୍ତ ନ ଥିଲା, ତେଣୁ ପାରାଟିକୁ ଫେରାି ଦେବାକୁ ହବିବୁଲ୍ଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅନୁରୋଧ କରିଛନ୍ତି ।
ମାତ୍ର ୨ ଦିନ ତଳେ ପାରାଟି କାଶ୍ମୀରର କଠୁଆ ଜିଲାର ହୀରାନଗର ଅଞ୍ଚଳରେ ଧରା ପଡ଼ିଥିଲା । କଠୁଆର ଡ଼ବାଲ ଅଞ୍ଚଳର ଜଣେ ମହିଳା ଏହି ପାରାଟି ତାଙ୍କ ଘର ନିକଟରେ ବସିଥିବା ବେଳେ ଧରିଥିଲେ । ତା ଗୋଡ଼ରେ ଗୋଟିଏ ରିଙ୍ଗ ରହିଥିଲା । ପାରାଟି ପାକିସ୍ତାନ ଅଞ୍ଚଳରୁ ଆସିଥିବା ଅନୁମାନ କରି ସେ ତାକୁ ସୀମା ସୁରକ୍ଷା ଅଧିକାରୀଙ୍କୁ ହସ୍ତାନ୍ତର କରିଥିଲେ । ସୀମା ସୁରକ୍ଷା କର୍ମଚାରୀ ଏହାକୁ ପୁଲିସକୁ ହସ୍ତାନ୍ତରିତ କରିଥିଲେ । ଏହି ଖବର ଗଣମାଧ୍ୟମରେ ଭାଇରାଲ ହୋଇଥିଲା । ବିଶିଷ୍ଟ ଲେଖକ ଚେତନ ଭଗତ ମଧ୍ୟ ଏଥିରେ ହସ୍ତକ୍ଷେପ କରିଥିଲେ । ଟ୍ବିଟ୍ ଯୋଗେ ଏହି ପାରା କେଉଁଠୁ ଗୁଇନ୍ଦା ସୂଚନା ନେବା ପାଇଁ ଆସିଥିଲା ? ଯଦି ଏହା ଅଣ୍ଡା ଦିଏ ତେବେ ତାହା ଭାରତୀୟ ହେବ ନାଁ ପାକିସ୍ତାନ ହେବ ବୋଲି କୌତୂକ ପ୍ରଶ୍ନ କରିଥିଲେ ।
But what exactly does she spy and how exactly does she report back?
And if she lays eggs in India, are the baby pigeons considered Indians? Or maybe they can apply under CAA?
Did she talk? We need to get to the bottom of this.
Best news heard all day. https://t.co/FPWJAMqREy
— Chetan Bhagat (@chetan_bhagat) May 25, 2020
ଶେଷରେ ଏହି ଖବର ପାକିସ୍ତାନ ପର୍ଯ୍ୟନ୍ତ ଚାଲି ଯାଇଥିଲା । ପାକିସ୍ତାନୀ ଅଧିକାରୀ ମଧ୍ୟ ଏଥିରେ ଆଚମ୍ବିତ । ତାଙ୍କ ଅଞ୍ଚଳର ପାରା କିପରି ଭାରତ ଗୁଇନ୍ଦାଗିରି କରିବାକୁ ଭାରତ ଚାଲି ଯାଇଥିଲା ସେ ସମ୍ପର୍କରେ ଅନୁସନ୍ଧାନ ଆରମ୍ଭ କଲେ । ଶେଷରେ ଜଣା ପଡ଼ିଥିଲା ଏହି ପାରାଟି ସିଆଲକୋଟ ଅଞ୍ଚଳର ସୀମାନ୍ତବର୍ତୀ ଗାଁ ବଗା ଶକରଗଡ଼ରେ ରହୁଥିବା ହବିବୁଲ୍ଲା ନାମକ ଜଣେ ବ୍ୟକ୍ତିର । ହବିବୁଲ୍ଲାର ପାରା ପାଳିବାର ସଉକ ଅଛି । ସେ ତାର ସବୁ ପାରା ଗୋଡ଼ରେ ରିଙ୍ଗ ପିନ୍ଧାଇଥାଏ । ଯେଉଁଥିରେ ଏକ ମୋବାଇଲ ନମ୍ବର ଲେଖାଯାଇଥାଏ । ଦୁଇଦିନ ପୂର୍ବରୁ ଇଦ୍ ଅବସରରେ ସେ ତାର ସବୁ ପାରାଙ୍କୁ ଉଡ଼ାଇଥିଲା । ସେଥିରୁ ସବୁ ପାରା ଫେରି ଆସିଥିଲେ କେବଳ ଗୋଟିଏ ଫେରି ନ ଥିଲା ।
ହବିବୁଲ୍ଲାର ଦାବି ଅନୁସାରେ ଏହି ପାରାର ଯୋଡ଼ି ପାରାଟି ତାଙ୍କ ପାଖରେ ଅଛି । ତାଙ୍କର ଗାଁ ଭାରତ ସୀମାରୁ ମାତ୍ର ୪ କିଲୋମିଟର ଦୂର । ସେ ଭାରତ ଉଡ଼ି ଯାଇଛି । ମାତ୍ର ସେଠାରେ ଗୁଇନ୍ଦାଗିରି ଅଭିଯୋଗରେ ଗିରଫ ହୋଇଛି । ଏହାପରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏ ସମ୍ପର୍କରେ ଚିଠି ଲେଖିଛି । ତାର ପାରାକୁ ପୁରା ପ୍ରୋଟୋକଲ ଓ ସମ୍ମାନର ସହ ତାକୁ ଫେରାଇ ଦିଆଯାଉ ବୋଲି ଅନୁରୋଧ କରିଛି ।
