କଳାପଥର(ବାଙ୍କୀ): ମଦ ବିକ୍ରି ବନ୍ଦ ପ୍ରତିବାଦରେ ମହିଳାଙ୍କ ତରଫରୁ ବୈଦେଶ୍ୱର ଥାନା ଅନ୍ତର୍ଗତ କଡାମଲ୍ଲ ଛକଠାରେ ରାସ୍ତାରୋକ କରାଯାଇଛି। ଗ୍ରାମର ସ୍ୱୟଂ ସହାୟିକା ଗୋଷ୍ଠୀର ମହିଳାମାନଙ୍କ ଅଭିଯୋଗ ଅନୁଯାୟୀ ରାସ୍ତା ଉପରେ କିଛି ଅସାମାଜିକ ବ୍ୟକ୍ତି ମଦ ବିକ୍ରି କରୁଛନ୍ତି। ମଦ ପିଇ ଗ୍ରାମର ପୁରୁଷମାନେ ଚୋରି,ମାରପିଟ ଓ ଝିଅମାନଙ୍କୁ କମେଣ୍ଟ ମାରୁଛନ୍ତି। ଛୋଟ ପିଲାମାନେ ସେହି ରାସ୍ତା ଦେଇ ଯିବାକୁ ଅସୁରକ୍ଷିତ ମନେ କରୁଛନ୍ତି। ମଦ ପିଇ ଅନେକ ଲୋକ ମୃତ୍ୟୁ ବରଣ କରିଛନ୍ତି। ସେମାନେ ଦୈନନ୍ଦିନ ଜୀବନ ଅତିବାହିତ କରିବାରେ ଅନେକ ସମସ୍ୟା ହେଉଥିବାର ଅଭିଯୋଗ ମଧ୍ୟ କରିଛନ୍ତି। ବାରମ୍ବାର ଅଭିଯୋଗ ସତ୍ୱେ ପୁଲିସ କୌଣସି ପଦକ୍ଷେପ ନ ନେବାରୁ ମହିଳାମାନେ ଆଜି ରାଜରାସ୍ତାକୁ ଓହ୍ଲାଇ ପ୍ରତିବାଦ ସ୍ୱରୂପ ରାସ୍ତାରୋକ କରିଛନ୍ତି।
