ଡବଲିନ : ନ୍ୟୁଜିଲାଣ୍ଡ ମହିଳା କ୍ରିକେଟ ଦଳ ଶୁକ୍ରବାର ଅନ୍ତର୍ଜାତୀୟ କ୍ରିକେଟରେ ଏକ ନୂଆ ରେକର୍ଡ ସୃଷ୍ଟି କରିଛି। ଡବିଲିନରେ ଖେଳାଯାଇଥିବା ଆୟାର୍ଲାଣ୍ଡ ବିପକ୍ଷ ପ୍ରଥମ ଦିନିକିଆରେ ନ୍ୟୁଜିଲାଣ୍ଡ ମହିଳା ଦଳ ନିର୍ଧାରିତ ୫୦ ଓଭରରେ ୪ ୱିକେଟ ହରାଇ ୪୯୦ରନ କରି ନିଜ ନାମରେ ଥିବା ପୂର୍ବ କୀର୍ତିମାନକୁ ପଛରେ ପକାଇଛି। ଏହା ପୂର୍ବରୁ ନ୍ୟୁଜିଲାଣ୍ଡ ଦଳ ୧୯୯୭ମସିହାରେ କ୍ରାଇଷ୍ଟଚର୍ଚ୍ଚରେ ପାକିସ୍ତାନ ବିପକ୍ଷରେ ୫ୱିପେଟ ହରାଇ ୪୫୫ ରନ କରିଥିଲା ଏବଂ ସେହି ମ୍ୟାଚକୁ ୪୦୮ ରନରେ ଜିତିଥିଲା। ଶୁକ୍ରବାର ମ୍ୟାଚରେ ନ୍ୟୁଜିଲାଣ୍ଡ ଦଳର ଅଧିନାୟକ ସୁଜି ବେଟସ ସର୍ବାଧିକ ରନ କରିଥିଲେ। ସେ ୯୪ବଲରୁ ଦୁଇଟି ଛକା ଏବଂ ୨୪ଟି ଚୈାକା ସହାୟତାରେ ୧୫୧ରନ କରିଥିଲେ। ତାଙ୍କ ବ୍ୟତିତ ମେଡି ଗ୍ରିନ ୭୭ଟି ବଲରୁ ୧୫ଟି ଚୈାକା ଏବଂ ଗୋଟିଏ ଛକାର ସହାୟତାରେ ୧୨୧ରନ କରିଥିଲେ।
