ଆଠଗଡ଼: ବିଭିନ୍ନ ପଞ୍ଚାୟତରେ ସରକାରୀ ଯୋଜନା ଗୁଡ଼ିକରେ ବ୍ୟାପକ ଦୁର୍ନୀତି ଓ ଅନିୟମିତତା ଅଭିଯୋଗର ତଦନ୍ତ ଦାବିରେ ଆଠଗଡ ବ୍ଲକ କାର୍ଯ୍ୟାଳୟ ସମ୍ମୁଖରେ ଅଭୟ ବାରିକଙ୍କ ନେତୃତ୍ୱରେ ବିକ୍ଷୋଭ ପ୍ରଦର୍ଶନ କରାଯାଇଛି। ସେହି ସମୟରେ ବ୍ଲକ କାର୍ଯ୍ୟାଳୟ ମଧ୍ୟକୁ ଦୁବୂର୍ତ୍ତମାନେ ୩ ଟି ହାତ ବୋମା ଫୋପାଡିଥିବା ଅଭିଯୋଗ ହୋଇଛି। ବୋମାଗୁଡିକ ବ୍ଲକ କାର୍ଯ୍ୟାଳୟ ପରିସରର ଖୋଲା ସ୍ଥାନରେ ପଡିବା ପରେ ବିସ୍ପୋରଣ ହୋଇଥିଲା। ଏଥିରେ କାର୍ଯ୍ୟାଳୟ କିମ୍ବା ଲୋକଙ୍କର କୌଣସି କ୍ଷୟକ୍ଷତି ହୋଇ ନ ଥିବା ସୁଚନା ମିଳିଛି । ଏହି ଘଟଣା ପରେ ସେଠାରେ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି।
