ମୁମ୍ବାଇ: ନୂଆ ବର୍ଷରେ ମଡେଲ ନତାଶା ଷ୍ଟାନ୍କୋଭିକ୍ଙ୍କ ସହ ନିର୍ବନ୍ଧ କରି ହାର୍ଦ୍ଦିକ ପାଣ୍ଡ୍ୟା ସମସ୍ତଙ୍କୁ ଚକିତ କରି ଦେଇଥିବା ବେଳେ ଏବେ ଆଉ ଜଣେ ଭାରତୀୟ କ୍ରିକେଟର ନିଜ ପ୍ରେମିକାଙ୍କ ସହ କିଛି ଫଟୋ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଯାହା ସାମାଜିକ ଗଣମାଧ୍ୟମରେ ଖୁବ୍ ଭାଇରାଲ୍ ହେଉଛି। ଏହି କ୍ରିକେଟର୍ ଜଣକ ହେଉଛନ୍ତି ଋଷଭ ପନ୍ତ।
ଋଷଭ ନିଜ ପ୍ରେମିକା ଈଶା ନେଗୀଙ୍କ ସହ ନୂଆ ବର୍ଷ ପାଳନର ଫଟୋ ଗୁରୁବାର ବିଳମ୍ବିତ ରାତିରେ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଦୁହିଁଙ୍କ ଯୋଡ଼ିକୁ ଲୋକେ ଖୁବ୍ ପସନ୍ଦ ମଧ୍ୟ କରୁଛନ୍ତି। ଫଟୋ ଶେୟାର କରିବା ସହ ଋଷଭ ଲେଖିଛନ୍ତି, ‘‘ତୁମ ସହ ଥିବା ବେଳେ ବହୁତ ଭଲ ଅନୁଭବ ହୋଇଥାଏ’’। ଈଶା ମଧ୍ୟ ନିଜ କ୍ରିକେଟର ପ୍ରେମିକଙ୍କ ସହ ଫଟୋ ଶେୟାର କରିଛନ୍ତି। ସେ ଲେଖିଛନ୍ତି, ‘‘୫ ବର୍ଷ ଓ ଆଗକୁ ମଧ୍ୟ ଗଣତି ଜାରି ରହିବ’’। ବରଫ ପାହାଡ଼ ଉପରେ ଦୁହେଁ ସମୟ ବିତାଉଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ, ପୂର୍ବରୁ ଗତ ବର୍ଷ ଜାନୁଆରୀରେ ମଧ୍ୟ ଋଷଭ ଏକ ଫଟୋ ଶେୟାର କରି ନିଜ ପ୍ରେମ ସମ୍ପର୍କକୁ ସାର୍ବଜନୀନ କରିଥିଲେ।
ଜାଣନ୍ତୁ, ଈଶା ନେଗୀ କିଏ?
ଈଶା ଦିଲ୍ଲୀର ଜଣେ ଉଦ୍ୟୋଗୀ ଓ ଇଣ୍ଟେରିୟର ଡେକୋର ଡିଜାଇନର। ସେ ଏମିଟି ୟୁନିଭର୍ସିଟିରେ ପାଠ ପଢୁଥିଲେ। ପନ୍ତଙ୍କ ସହ ତାଙ୍କ ସମ୍ପର୍କ ସାର୍ବଜନୀନ ହେବା ପରେ ଈଶା ସେଲିବ୍ରିଟି ପାଲଟି ଯାଇଛନ୍ତି। ଇନ୍ଷ୍ଟାଗ୍ରାମରେ ତାଙ୍କର ୧.୪୩ ଲକ୍ଷରୁ ଉର୍ଦ୍ଧ୍ବ ଫଲୋୟର୍ସ ରହିଛନ୍ତି।
Comments are closed.