ସଇଁତଲା : ବଲାଙ୍ଗୀର ଜିଲା ରେଙ୍ଗାଲି ଉଚ୍ଚ ବିଦ୍ୟାଳୟ କୁଇକେଡ଼ାଠାରେ ଶୁକ୍ରବାର ଜୁନିୟର ରେଡ଼କ୍ରସର ଏକ ବ୍ଲକ ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ କୂଳମଣୀ ଯୋଷୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବ୍ଲକ ସଂଯୋଜକ ହେମନ୍ତ ବେମାଲ, ପୂର୍ବ ସଂଯୋଜକ ହେମସାଗର ମାଝୀ, ସମାଜସେବୀ ଶିକ୍ଷକ ରାମନାରାୟଣ ଦାଶ ଓ ବରିଷ୍ଠ କାଉନସେଲର ଚୁଟୁ ନାଗ ପ୍ରମୁଖ ମଞ୍ଚାସୀନ ଥିଲେ। ଚଳିତ ବର୍ଷର ବ୍ଲକ ସ୍ତରୀୟ ଜୁନିୟର ରେଡ଼କ୍ରସ ସଚେତନତା ଶିବିର, ରାଧା କୃଷ୍ଣ ଉଚ୍ଚ ବିଦ୍ୟାଳୟ କୁଆଁରଗାଁଠାରେ ଅନୁଷ୍ଠିତ କରାଯିବା ନେଇ ଆଲୋଚନା ହୋଇ ସିଦ୍ଧାନ୍ତ ଗ୍ରହଣ କରାଯାଇଥିଲା। ଏହି ଦିନିକିଆ ଶିବିରରେ ସଚେତନତା ଶୋଭାଯାତ୍ରା ସହିତ ଦଳଗତ ସଂଗୀତ, ନୃତ୍ୟ, କୁଇଜ ଓ ଚିତ୍ରାଙ୍କନ ଇତ୍ୟାଦି ପ୍ରତିଯୋଗୀତା ଛାତ୍ରଛାତ୍ରୀଙ୍କ ମଧ୍ୟରେ କରାଯିବାକୁ ମଧ୍ୟ ସ୍ଥିରିକୃତ ହୋଇଥିଲା। କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶେଷଦେବ ବାରିକ, ସଂଜୀବ ମହାନନ୍ଦ, ଅଭିମନ୍ୟୁ ଭୋଇ, ବିନୋଦ ବେହେରା, ରାଇବିହାରୀ ବନଛୋର, ନରୋତମ ନାଏକ, ବେଦବର ମାଝୀ, ଦୀପାଞ୍ଜଳୀ ସାହୁ, ଗୁଣନିଧି ପଧାନ ଓ ଦୀନମଣୀ ପୋଢ଼ ପ୍ରମୁଖ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ। କାଉନସିଲର ଶ୍ରୀ ବେମାଲ ମଂଚ ପରିଚାଳନା କରିଥିବାବେଳେ ପ୍ରକାଶ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ।
Comments are closed.