ମୋହନା : ଗଜପତି ଜିଲ୍ଲା ମୋହନା ବ୍ଲକର ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ, ସରକାରୀ କାର୍ଯ୍ୟାଳୟ ଏବଂ ଗ୍ରାମାଞ୍ଚଳରେ ମୋହନା ଚାଇଲ୍ଡ ଲାଇନ ପକ୍ଷରୁ ଚାଇଲ୍ଡ ଲାଇନ ସେ ଦୋସ୍ତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୋହନା ବ୍ଲକ ସମିତି ସଭାଗୃହରେ ଆୟୋଜିତ ସଭାରେ ମୁଖ୍ୟ ଅତିଥିଭାବେ ଜିପିଇଓ ନରସିଂହ ମାଣ୍ଡାଙ୍ଗି ଯୋଗଦେଇ ଶିଶୁମାନଙ୍କ ସୁରକ୍ଷା ଓ ଦାୟିତ୍ୱ ସମ୍ପର୍କରେ ଆଲୋକପାତ କରିଥିଲେ। ସେହିପରି ମୋହନା ଥାନା ପରିସରରେ ଅନୁଷ୍ଠିତ କାର୍ଯ୍ୟକ୍ରମରେ ଥାନା ଅଧିକାରୀ ସୁଜିତ କୁମାର ନାୟକ, ଶ୍ରମିକ, ଶିଶୁ ନିର୍ଯ୍ୟାତନା ଭଳି ସମସ୍ତ ଦିଗ ଉପରେ ଦୃଷ୍ଟି ଦେଇ ସମସ୍ତେ ଶିଶୁମାନଙ୍କୁ ଓ ଚାଇଲ୍ଡ ଲାଇନକୁ ଏ କ୍ଷେତ୍ରରେ ସହ ଯୋଗ କରିବା ପାଇଁ କହିଥିଲେ। ଚାଇଲ୍ଡ ଲାଇନରେ ସଦସ୍ୟ ମାନେ କର୍ମଚାରୀମାନଙ୍କ ହାତରେ ଦୋସ୍ତିର ବ୍ୟାଣ୍ଡ ବାନ୍ଧିଥିଲେ। ଚାଇଲ୍ଡ ଲାଇନ ଟିମ ଲିଡର ଅଞ୍ଚଳ ନାୟକ, ଟିଟି ମଳିକ, ଉଦୟ ମଳିକ, ଅନିତା ନାୟକ ପ୍ରମ୍ମୁଖ ପରିଚାଳନା କରିଥିବା ବେଳେ ଏଜୁକେସନ ସେଂଟର ରଙ୍ଗମାଟିଆ ଓ ବାଳିକା ବିଦ୍ୟାଳୟରେ ଛାତ୍ରୀମାନେ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ।
Comments are closed.