ଯାଜପୁର : ଯାଜପୁରର ବୈତରଣୀ ନଦୀ ଦଶାଶ୍ୱମେଧ ଘାଟରେ ବୁଡି ଶନିବାର ଜଣେ ତୀର୍ଥଯାତ୍ରୀଙ୍କର ମୃତ୍ୟୁ ହୋଇଥିବା ଜଣାପଡିଛି। ମୃତ ତୀର୍ଥଯାତ୍ରୀ ଜଣଙ୍କ ବିଶାଖାପାଟଣା ସିଥମପେଟ ଅଞ୍ଚଳର ଦୁର୍ଗା ରାଓଙ୍କ ଝିଅ ଗିବିଡି ଦୁର୍ଗା ।
ସୂଚନା ମୁତାବକ, ବିଶାଖାପାଟଣା ସିଥମପେଟ ଅଞ୍ଚଳରୁ ୧୨୦ଜଣ ତୀର୍ଥଯାତ୍ରୀ ଓଡିଶାକୁ ତୀର୍ଥ ପାଇଁ ଆସିଥିଲେ । ପ୍ରଥମେ ପୁରୀ କୋଣାର୍କ ଭ୍ରମଣ ସାରି ଶନିବାର ମାଆ ବିରଜାଙ୍କ ଦର୍ଶନ ପାଇଁ ଆସିଥିଲେ । ସେମାନଙ୍କ ମଧ୍ୟରୁ କିଛି ଯାତ୍ରୀ ବୈତରଣୀ ନଦୀ ଦଶାଶ୍ୱମେଧ ଘାଟରେ ଗାଧୋଇବା ସମୟରେ ତିନିଜଣ ନିଦୀରେ ବୁଡ଼ିଯାଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ଦୁଇ ଜଣ ଉଦ୍ଧାର ହେବାପରେ ଗିବିଡି ନିଖୋଜ ଥିଲେ । ଘଟଣାସ୍ଥଳରେ ଯାଜପୁର ଦମକଳ ବାହିନୀ ପହଞ୍ଚି ବହୁ ଖୋଜାଖୋଜି କରି ଗିବିଡିଙ୍କୁ ଉଦ୍ଧାର କରି ଯାଜପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
Comments are closed.