ଚଣ୍ଡିଗଡ଼: ହରିୟାଣାର କର୍ଣ୍ଣଲରେ ୫୦ ଫୁଟ୍ ଗଭୀର ବୋରୱେଲ ମଧ୍ୟକୁ ଖସି ପଡିଥିବା ଜଣେ ପାଞ୍ଚ ବର୍ଷୀୟ ଶିଶୁକନ୍ୟାର ମୃତ୍ୟୁ ହୋଇ ଯାଇଛି। ସୋମବାର ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଶିଶୁଟିର ପ୍ରାଣହାନି ଘଟିଥିବା ସୂଚନା ମିଳିଛି। ପୁଲିସ ଓ ସ୍ଥାନୀୟ ପ୍ରଶାସନ ଶିଶୁଟିକୁ ଉଦ୍ଧାର କରିବାରେ ବିଫଳ ହୋଇଛନ୍ତି।
#UPDATE Haryana: The 5-year-old girl who had fallen into a 50-feet deep borewell in Hari Singh Pura village of Karnal, has died. https://t.co/KWEgAHAVad
— ANI (@ANI) November 4, 2019
ସୂଚନାଯୋଗ୍ୟ, କର୍ଣ୍ଣଲ ଜିଲା ଅନ୍ତର୍ଗତ ହରିସିଂହପୁର ଗ୍ରାମରେ ରବିବାର ଅପରାହ୍ନ ପ୍ରାୟ ୩ଟା ବେଳେ ଏକ ପାଞ୍ଚ ବର୍ଷୀୟ ଶିଶୁକନ୍ୟା ଖେଳୁ ଖେଳୁ ଘର ନିକଟରେ ଥିବା ୫୦ ଫୁଟ୍ ଗଭୀର ବୋରୱେଲ ମଧ୍ୟକୁ ଖସି ପଡ଼ିଥିଲା। ବହୁ ଖୋଜାଖୋଜି କରିବା ପରେ ପରିବାର ଲୋକ ଜାଣିବାକୁ ପାଇଥିଲେ ଯେ ଶିଶୁଟି ବୋରୱେଲ ମଧ୍ୟକୁ ଖସିପଡିଛି। ଏନେଇ ଜିଲ୍ଲା ପ୍ରଶାସନ ଏବଂ ପୁଲିସକୁ ସୂଚନା ଦେବା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ହେଲେ ଜିଲ୍ଲା ପ୍ରଶାସନ ଏବଂ ପୁଲିସ ଶିଶୁଟିକୁ ବୋରୱେଲ ମଧ୍ୟରୁ ବାହାର କରିବାରେ ବିଫଳ ହୋଇଥିବା ବେଳେ ଶିଶୁଟିର ମୃତ୍ୟୁ ହୋଇଯାଇଛି। ମୃତ ଶିଶୁଟିର ନାମ ହେଉଛି ଶିବାନୀ।
