ସ୍କୁଲ ଗାଡି ଓଲଟି ୧୦ ଆହତ

କୋଣାର୍କ : ପୁରୀ ଜିଲା ଚାରିଛକଥାନା ଅନ୍ତର୍ଗତ ଓଲଗାଁ ନିକଟରେ ଭାରସାମ୍ୟ ହରାଇ ଏକ ସ୍କୁଲ ଗାଡ଼ି ରାସ୍ତାକଡ଼ରେ ଥିବା କେନାଲକୁ ଖସି ପଡ଼ିଛି।

ସୂଚନା ଅନୁଯାୟୀ, ତୁଳସୀପୁରର ଏକ ଘରୋଇ ସ୍କୁଲର ପିଲାମାନେ ଟାଟ ମ୍ୟାଜିକରେ ଯାଉଥିଲେ। ଗଡ଼ିଟି ଓଲଗାଁ ନିକଟରେ ଭାରସାମ୍ୟ ହରାଇ ରାସ୍ତାକଡ଼ରେ ଥିବା କେନାଲକୁ ଖସି ପଡ଼ିଥିଲା। ସ୍ଥାନୀୟଲୋକେ ପାଣିଭିତରୁ ଛାତ୍ରଛାତ୍ରୀଙ୍କୁ ଉଦ୍ଧାର କରିଥିଲେ। ଗାଡ଼ିରେ ୧୭ ଜଣ ଛାତ୍ରଛାତ୍ରୀ ଥିବା ଜଣାପଡ଼ିଛି। ଏଥିରେ ୧୦ ଜଣ ଛାତ୍ରଛାତ୍ରୀ ଆହତ  ହୋଇଥିଲେ । ସ୍ଥାନୀୟଲୋକେ ଆହତ ସମସ୍ତ ଛାତ୍ରଛାତ୍ରୀଙ୍କୁ ଉଦ୍ଧାରକରି  ଚାରିଛକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ତାଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନଥିବାରୁ ଭୁବନେଶ୍ବର ସ୍ଥାନାନ୍ତରଣ କରାଯାଇଛି ।