ମୁମ୍ବଇ : ବଲିଉଡ଼ ଅଭିନେତା ନୱାଜୁଦ୍ଦିନ ସିଦ୍ଦୀକି ଖୁବଶୀଘ୍ର ଦକ୍ଷିଣ ଭାରତୀୟ ଅଭିନେତା ଦଗୁବତୀ ଭେଙ୍କଟେଶଙ୍କ ସହ ପରଦାରେ ଏକାଠି ନଜର ଆସିବେ। ଭେଙ୍କଟେଶଙ୍କ ଅଗାମୀ ତେଲୁଗୁ ଚଳଚ୍ଚିତ୍ର ‘ଭେଙ୍କୀ ମାମା’ରେ ନିକଟରେ ନୱାଜୁଦ୍ଦିନଙ୍କ ଏଣ୍ଟ୍ରି ହୋଇଥିବା ସୂଚନା ମଳିଛି। ଏ ଦୁହିଁଙ୍କ ସହ ନାଗା ଚୈତନ୍ୟଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ। ଚଳଚ୍ଚିତ୍ରକୁ ନେଇ ଚର୍ଚ୍ଚା ଜୋର ଧରିଛି। ‘ଭେଙ୍କୀ ମାମା’ ମାଧ୍ୟମରେ ଭେଙ୍କଟେଶ ଓ ନାଗା ଚୈତନ୍ୟଙ୍କୁ ପ୍ରଥମ ଥର ପାଇଁ ପରଦାରେ ଏକାଠି ଦେଖିବାକୁ ମିଳିବ। ଚଳଚ୍ଚିତ୍ରର ପ୍ରଥମ ପୋଷ୍ଟର ରିଲିଜ୍ ହୋଇସାରିଛି। ତେବେ ଚଳଚ୍ଚିତ୍ରରେ ନୱାଜୁଦ୍ଦିନଙ୍କ ଏଣ୍ଟ୍ରିକୁ ନେଇ ଆନୁଷ୍ଠାନିକ ଭାବେ ଏପର୍ଯ୍ୟନ୍ତ କୌଣସି ସୂଚନା ମଳିନାହିଁ। ଏଥିରେ ରାଶୀ ଖନ୍ନା ଓ ପାୟଲ ରାଜପୁତ ମଧ୍ୟ ନଜର ଆସିବେ। ଏମାନଙ୍କ ବ୍ୟତୀତ ପ୍ରକାଶ ରାଜ, ସଂପଥ ରାଜ ଏବଂ ରାଓ ରମେଶଙ୍କ ଭଳି କଳାକାରଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ। ଚଳଚ୍ଚିତ୍ରର ନିର୍ଦ୍ଦେଶନା ଭାର କେଏସ୍ ରବିନ୍ଦ୍ର ବହନ କରିଛନ୍ତି।
Popular Categories
Previous article
Next article