ଇସଲାମାବାଦ : ପାକିସ୍ତାନ କ୍ରିକେଟ ଦଳର ଓପନିଂ ବ୍ୟାଟ୍ସମ୍ୟାନ୍ ଅହମ୍ମଦ ଶେହଜାଦ ଶନିବାର ବଲ ଟ୍ୟାମ୍ପରିଂ ପାଇଁ ଦଣ୍ଡିତ ହୋଇଥିବା ଜଣାପଡିଛି। ଘରୋଇ ଟୁର୍ଣ୍ଣାମେଣ୍ଟରେ ବଲ ଟ୍ୟାମ୍ପରିଂ କରୁଥିବା କାରଣରୁ ଶେହେଜାଦଙ୍କୁ ପାକିସ୍ତାନ କ୍ରିକେଟ ବୋର୍ଡ(ପିସିବି) ଦଣ୍ଡିତ କରିଛି। ପାକିସ୍ତାନ କ୍ରିକେଟ ବୋର୍ଡ(ପିସିବି) ତାଙ୍କର ମ୍ୟାଚ୍ ଫି’ର ୫୦ପ୍ରତିଶତ କାଟ୍ କରିଛି।
ସୂଚନା ଅନୁଯାୟୀ, କ୍ୱାଇଦ-ଇ-ଆଜମ ଟ୍ରଫି ବେଳେ ସେଣ୍ଟ୍ରାଲ ପଞ୍ଜାବ ଓ ସିନ୍ଧ ମଧ୍ୟରେ ମ୍ୟାଚ୍ ହେଉଥିବାବେଳେ ସେଣ୍ଟ୍ରାଲ ପଞ୍ଜାବ ପକ୍ଷରୁ ବଲର କିଛି ଅଂଶକୁ ବିକୃତ କରାଯାଇଥିବା ଜଣାପଡ଼ିଥିଲା। ଅମ୍ପେୟାର ବଲ୍ର ତଦାରଖ କରିବାପରେ ବଲର ଆକାର ବଦଳି ଯାଇଥିବା ଜଣାପଡ଼ିଥିଲା। ଏନେଇ ଅମ୍ପେୟାର ଦ୍ୱୟ ମ୍ୟାଚ୍ ରେଫରୀଙ୍କୁ ଅବଗତ କରାଇଥିଲେ।
ଘଟଣାର ତଦନ୍ତ ହୋଇଥିଲେ ହେଁ କେଉଁ ଖେଳାଳି ଏହାକୁ ବିକୃତ କରିଛନ୍ତି, ସେକଥା ଜଣା ପଡ଼ି ନଥିଲା। କିନ୍ତୁ ସେଣ୍ଟ୍ରାଲ ପଞ୍ଜାବର ଅଧିନାୟକ ହିସାବରେ ପିସିବି ଆଗରେ ଶେହଜାଦ୍ ଜବାବ ରଖିଥିଲେ। ହେଲେ ଏଥିରେ ପିସିବି ସନ୍ତୁଷ୍ଟ ହୋଇନାହିଁ। ଏଥିପାଇଁ ତାଙ୍କୁ ଦଣ୍ଡିତ କରାଯାଇଥିବା ସୂଚନା ମିଳିଛି।
ବଲ ଟ୍ୟାମ୍ପରିଂ ପାଇଁ ଦଣ୍ଡିତ ହେଲେ ପାକ୍ କ୍ରିକେଟର ଅହମ୍ମଦ ଶେହଜାଦ
Popular Categories
Previous article
Next article