ନୂଆଦିଲ୍ଲୀ: ୨୦୧୬ ନଭେମ୍ବର ୮ । ଏହି ତାରିଖ ବୋଧହୁଏ ସମସ୍ତଙ୍କ ମନେଥିବ । କାରଣ ଏହି ଦିନ କେନ୍ଦ୍ର ସରକାରଙ୍କ ପକ୍ଷରୁ ବିମୁଦ୍ରୀକରଣ ଘୋଷଣା କରାଯାଇଥିଲା । ପୁରୁଣା ୫୦୦ ଏବଂ ୧୦୦୦ ଟଙ୍କିଆ ନୋଟକୁ ନିଷେଧ କରିଥିଲେ କେନ୍ଦ୍ର ସରକାର । ଆଉ ତା ପରେ ବଜାରକୁ ଆସିଥିଲା ନୂତନ ନୋଟ୍ ।
ଯେଉଁଥିରେ ଦେଖିବାକୁ ମିଳିଥିଲା ୨୦୦, ୫୦୦, ଓ ୨୦୦୦ ଟଙ୍କିଆ ନୋଟ୍ । ଏବଂ କିଛି ଦିନର ବ୍ୟବଧାନ ପରେ ବଜାରକୁ ଆସିଥିଲା ୧୦ଟଙ୍କିଆ କଏନ୍ । ହେଲେ ସବୁଠାରୁ ବଡ଼ କଥା ହେଉଛି ବଜାରକୁ ଆସିଥିବା ୨୦୦୦ ଟଙ୍କିଆ ନୋଟ୍ କେତେ ଛପା ଯାଇଥିଲା । ଆଉ ବର୍ତ୍ତମନ କାହିଁକି ବଜାରରେ ଏହି ନୋଟ୍ ଦେଖାଯାଉନାହିଁ । ଆସନ୍ତୁ ଜାଣିବାଟ୍ଟ
ମିଳିଥିବା ସୂଚନା ଅନୁସାରେ ଆରବିଆଇ ନୋଟ୍ ମୁଦ୍ରାନ୍ (ପି) ଲିମିଟେଡ୍ ୨୦୧୬-୧୭ ଆର୍ଥିକ ବର୍ଷରେ ସର୍ବାଧିକ ୨୦୦୦ ଟଙ୍କା ମୂଲ୍ୟର ୩,୫୪୨୯.୯୧କୋଟି ନୋଟ୍ ଛପାଯାଇଥିଲା । ପରେ, ୨୦୧୭-୧୮ରେ ୧୧୧୫.୦୭ କୋଟି ୨୦୦୦ ଟଙ୍କିଆ ନୋଟ୍ ମୁଦ୍ରିତ ହୋଇଥିଲା । ୨୦୧୮-୧୯ରେ ଏହା ଆହୁରି ହ୍ରାସ ପାଇ ୪୬୬.୯୦ କୋଟି ଟଙ୍କା ଛଫା ଯାଇଥିଲା । ହେଲେ ବର୍ତ୍ତମାନ ଆରଟିଆଇର ତଥ୍ୟ ଅନୁଯାୟୀ, ୨୦୧୯-୨୦, ୨୦୨୦-୨୧ ଏବଂ ୨୦୨୧-୨୨ ବର୍ଷରେ କୌଣସି ୨୦୦୦ ଟଙ୍କିଆ ନୂଆ ନୋଟ୍ ଛପା ହୋଇନାହିଁ ।
ପରେ ପରେ ଏହି ନୋଟର ନକଲ ବଜାରରେ ଦେଖିବାକୁ ମିଳିଥିଲା । ପାଖାପାଖି ୯୦%ରୁ ଅଧିକ ନକଲି ନୋଟ୍ ସାମ୍ନାକୁ ଆସିଥିଲା । ଆରଟିଆଇ ପକ୍ଷରୁ ଏହାକୁ ନେଇ ବ୍ୟାଙ୍କଗୁଡ଼ିକୁ ବିଭିନ୍ନ ନିର୍ଦ୍ଦେଶ ଦିଆଯାଇଥିଲା ।
