ଖଡ଼ଗପୁର : ଖଡ଼ଗପୁର ଆଇଆଇଟିଠାରୁ ପ୍ରାୟ ୧୫ କିଲୋମିଟର ଦୂରରେ ଶନିବାର ବିଳମ୍ବିତ ରାତିରେ ଏକ ସଡ଼କ ଦୁର୍ଘଟଣାରେ ୨ ଛାତ୍ରଙ୍କ ମୃତ୍ୟୁ ଘଟିଛି ଓ ଜଣେ ଗୁରୁତର ଆହତ ହୋଇଛନ୍ତି। ମୃତ ୨ ଛାତ୍ର ଆଇଆଇଟି ଖଡ଼ଗପୁରରେ ଏମ୍ଟେକ୍ର ପଞ୍ଚମ ବର୍ଷର ଛାତ୍ର ଥିଲେ। ଏମ୍ଟେକ୍ର ଚତୁର୍ଥ ବର୍ଷର ଜଣେ ଛାତ୍ର ଗୁରୁତର ଆହତ ହୋଇଛନ୍ତି। ପୁଲିସ୍ଠାରୁ ପ୍ରାପ୍ତ ସୂଚନା ଅନୁସାରେ ଶନିବାର ବିଳମ୍ବିତ ରାତିରେ କେଉଁଏକ ହୋଟେଲରୁ ରାତି ଭୋଜନ ସାରି ୩ ଜଣ ଯାକଁ ଛାତ୍ର ଏକ ବାଇକ୍ ଯୋଗେ ଏନ୍-୬୦ରେ କଲେଜକୁ ଫେରୁଥିଲେ। ତେବେ ବିଦ୍ୟାସାଗର ଇଣ୍ଟଷ୍ଟ୍ରିଆଲ ପାର୍କ ନିକଟରେ ବିପରୀତ ଦିଗରୁ ଆସୁଥିବା ଏକ ଗାଡ଼ି ତାଙ୍କ ବାଇକ୍କୁ ଧକ୍କା ଦେଇଥିଲା। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତରପ୍ରଦେଶର ଅଭିନବ ଅତ୍ରୀ (୨୮)ଙ୍କ ଏବଂ ହସ୍ପିଟାଲରେ ହରିୟାଣାର ହରଶିତ ଚହଲ (୨୮)ଙ୍କ ମୃତ୍ୟୁ ଘଟିଛି। ରାଜସ୍ଥାନର ଭବାନୀ ସିଂ (୨୭) ଗୁରୁତର ଆହତ ହୋଇ ଡାକ୍ତରଖାନାରେ ମୃତ୍ୟୁ ସହ ସଂଗ୍ରାମ କରୁଛନ୍ତି।
