ବେଗୁନିଆ : ବାଘମାରୀ ଥାନା ସିମୋର ପଞ୍ଚାୟତ ଅନ୍ତର୍ଗତ ଗଁପୁର ଗ୍ରାମରେ ଥିବା ଗାନ୍ଧୀ ପାର୍କରୁ ଲାଇଟ ଚୋରି କରିବା ଅଭିଯୋଗରେ ବାଘମାରୀ ପୁଲିସ ଶନିବାର ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗତ ୧୦ ତାରିଖ ରାତିରେ ସମ୍ପୃକ୍ତ ପାର୍କରୁ ୮ ଟି ସ୍ପଟ ଲାଇଟ ଚୋରି ହୋଇଥିବା ସଂକ୍ରାନ୍ତରେ ସିମୋର ସରପଞ୍ଚ ହାଡୁବନ୍ଧୁ ମହାପାତ୍ର ବାଘମାରୀ ଥାନାରେ ଅଭିଯୋଗ କରିଥିଲେ। ବାଘମାରୀ ପୁଲିସ ଅଭିଯୋଗ ପାଇ ଘଟଣାର ତଦନ୍ତ କରିବା ସମୟରେ ସମ୍ପୃକ୍ତ ଦିନ ୨ ଜଣ ବ୍ୟକ୍ତି ପାର୍କରେ ଚୋରି କରିବା ସମୟରେ ପୁଲିସ ପାଟ୍ରୋଲିଂ ଗାଡିକୁ ଦେଖି ଲୁଚିଯାଇଥିଲେ ଏବଂ ପାଟ୍ରୋଲିଂ ଗାଡି ଗଲାପରେ ସେମାନେ ବାହାରି ଚୋରି କରିଥିବାର ସିସିଟିଭି ଫୁଟେଜରୁ ପୁଲିସ ଜାଣିବାକୁ ପାଇଥିଲା। ପୁଲିସ ସେମାନଙ୍କୁ ଗଁପୁର ଗ୍ରାମର ଚିହ୍ନଟ କରିବା ପରେ ଆଜି ଭାଗିରଥି ବେହେରା ଏବଂ ସନ୍ତୋଷ କୁମାର ମହାଭୋଇଙ୍କୁ ଗିରଫ କରି କୋର୍ଟ ଚାଲାଣ କରିଛି । ଲାଇଟ ଗୁଡିକ ନେଇ ଚୋର ୨ ଜଣ ଯେଉଁଠାରେ ରଖିଛନ୍ତି ପୁଲିସ ତାହା ଜାଣି ପାରିଥିବାବେଳେ ସମ୍ପୃକ୍ତ ବ୍ୟକ୍ତିଙ୍କ ସହ ଯୋଗା ଯୋଗ ହୋଇନପାରି ନଥିବାରୁ ତାହା ଉଦ୍ଧାର କରାଯାଇପାରି ନାହିଁ ।
Comments are closed.