କୁଆଁପାଳ: କଟକ ଜିଲ୍ଲା ମାହାଙ୍ଗା ଥାନା ଭଦରେଶ୍ୱର ଫାଣ୍ଡି ଗୋପାଳ ପୁର ବେଗୁନିଆପଦା ଗ୍ରାମର ମୃତ୍ୟୁଞ୍ଜୟ ଦାସ ହତ୍ୟା ଘଟଣାରେ ପାଞ୍ଚ ଅଭିଯୁକ୍ତକୁ ଭଦରେଶ୍ୱର ଫାଣ୍ଡି ପୁଲିସ ଗିରଫ କରିଛି। ମୋଟ ଆଠ ଜଣଙ୍କ ନାମରେ ଅଭିଯୋଗ ହୋଇଥିବା ବେଳେ ଏବେ ମଧ୍ୟ ୩ ଜଣ ଫେରାର ରହିଛନ୍ତି। ପାରାଦୀପ ଓ କେନ୍ଦ୍ରାପଡା ଅଂଚଳରୁ ସମସ୍ତ ଅଭିଯୁକ୍ତକୁ ଗିରଫ କରାଯାଇଛି। ସୂଚନା ଯୋଗ୍ୟ, ମୃତ୍ୟଞ୍ଜୟ ରାତିରେ ଦୋକାନକୁ ଯାଉଥିବାବେଳ ପୂର୍ବ ଶତ୍ରୁତାକୁ ନେଇ ଗତ ୯ଦିନ ପୂର୍ବେ ଗ୍ରାମ ମଝିରେ ଆଠ ଅଭିଯୁକ୍ତ ସଙ୍ଗବଦ୍ଧ ଭାବେ ଖଣ୍ଡା ଭୁଜାଲିରେ ଆକ୍ରମଣ କରିଥିଲେ । ମୃତ୍ୟଞ୍ଜୟ ଗୁରୁତର ହୋଇ ମେଡିକାଲରେ ମୃତ୍ୟୁବରଣ କରିଥିଲେ । ଅଭିଯୋଗ ପରେ ଭଦରେଶ୍ୱର ଫାଣ୍ଡି ଅଧିକାରୀ ତପନ ନାୟକ ତଦନ୍ତ ଚଳାଇ ଶେଷରେ କେନ୍ଦ୍ରାପଡ଼ା ଓ ପାରାଦୀପ ରୁ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛନ୍ତି ।
Comments are closed.