୪ର୍ଥ ଟି-୨୦: ଟସ ଜିତି ଭାରତର ବ୍ୟାଟିଂ ନିଷ୍ପତ୍ତି, ସିରିଜ ବିଜୟ ଲକ୍ଷ୍ୟରେ ସୂର୍ଯ୍ୟବାହିନୀ

ସମାଜ ଡିଜିଟାଲ ଡେସ୍କ: ଜୋହାନସବର୍ଗଠାରେ ଅନୁଷ୍ଠିତ ହେଉଥିବା ଦକ୍ଷିଣଆଫ୍ରିକା ବିପକ୍ଷ ୪ର୍ଥ ଟି-୨୦ ମ୍ୟାଚରେ ଭାରତ ଟସ୍‌ ଜିତି ବ୍ୟାଟିଂ ନିଷ୍ପତ୍ତି ନେଇଛି। ଏହା ଚଳିତ ଶୃଙ୍ଖଳର ଅନ୍ତିମ ମ୍ୟାଚ ହୋଇଥିବାବେଳେ ଭ୍ରମଣକାରୀ ଭାରତୀୟ ଦଳ ସିରିଜ ବିଜୟ ଲକ୍ଷ୍ୟ ରଖିଛି। ୪ ମ୍ୟାଚ ବିଶିଷ୍ଟ ଶୃଙ୍ଖଳାରେ ଭାରତ ୨-୧ରେ ଆଗୁଆ ରହିଥିବାରୁ ଖେଳାଳିମାନଙ୍କର ମନୋବଳ ଦୃଢ଼ ରହିଛି। ତେଣୁ ଟିମ ଇଣ୍ଡିଆ ଦମଦାର ପ୍ରଦର୍ଶନ କରି ମ୍ୟାଚ ସହିତ ସିରିଜ ବିଜୟୀ ହେବାର ଆଶା ରଖିଛି।

ସେପଟେ ଘରୋଇ ଦକ୍ଷିଣ ଆଫ୍ରିକା ଦଳ ୩ଟି ମ୍ୟାଚରୁ ୧ଟି ମ୍ୟାଚ ଜିତି ଚାପରେ ରହିଛି। ଆତ୍ମ ସମ୍ମାନ ରକ୍ଷା ପାଇଁ ସିରିଜକୁ ଅମୀମାଂଶିତ ରଖିବା ପାଇଁ ଦଳ ଲାଗି କର ବା ମର ସ୍ଥିତି ଉପୁଜିଛି। ଘରୋଇ ଦଳ ଶେଷ ମ୍ୟାଚ ଜିତିପାରିଲେ ସରିଜ ଡ୍ର ହୋଇଯିବ। ତେଣୁ ଏହି ମ୍ୟାଚରେ ଦୁଇ ଦଳ ମଧ୍ୟରେ କଡ଼ା ପ୍ରତିଦ୍ଵନ୍ଦ୍ଵିତା ହେବ ବୋଲି ଆଶା କରାଯାଉଛି।