ଭୁବନେଶ୍ୱର.- ଅତି ଭୀଷଣ ସାମୁଦ୍ରିକ ଝଡ ଫନିର ପ୍ରଭାବରେ ପୁରୀ ସହ ଭୁବନେଶ୍ୱର, କଟକରେ ଅନେକ କ୍ଷୟକ୍ଷତି ହୋଇଛି । ଏହା ସହ ରାଜ୍ୟର ଅନେକ ଜିଲ୍ଲା ଫନି ଯୋଗୁଁ ପ୍ରଭାବିତ ହୋଇଛି । ଫନି ପୁରୀରେ ଧ୍ୱସଂର ତାଣ୍ଡବ ଲୀଳା ରଚାଇଛି । ଏହା ଯୋଗୁଁ ଅନେକ ଲୋକ ମୃତାହତ ହୋଇଛନ୍ତି ।
ଫନି ପ୍ରଭାବିତ ଅଞ୍ଚଳ ପରିଦର୍ଶନ କରିବା ପାଇଁ ସୋମବାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡ଼ିଶା ଆସୁଛନ୍ତି । ସେ ଭୁବନେଶ୍ୱରରେ ପହଞ୍ଚିବା ପରେ ଆକାଶମାର୍ଗରୁ ଫନି ପ୍ରଭାବିତ ଅଞ୍ଚଳ ପରିଦର୍ଶନ କରିବେ । ଏହାପରେ ଏକ ଉଚ୍ଚସ୍ତରୀୟ ବୈଠକରେ ପ୍ରଧାନମନ୍ତ୍ରୀ ମୋଦୀ ରିଲିଫ ଓ ଉଦ୍ଧାର କାର୍ଯ୍ୟର ସମୀକ୍ଷା କରିବାର କାର୍ଯ୍ୟକ୍ରମ ରହିଛି ।
