ଭୁବନେଶ୍ବର : ରାଜ୍ୟରେ ଲଗାତର ତାପମାତ୍ରା ବଢିବାରେ ଲାଗିଛି । ଆଜି ରାଜ୍ୟର ୨୮ ସହରର ତାପମାତ୍ରା ୪୦ ଡିଗ୍ରୀ ଟପିଛି । ରାଜଧାନୀ ଭୁବନେଶ୍ବରର ତାପମାତ୍ରା ବୁଧବାର ୪୧.୭ ଡିଗ୍ରୀ ସେଲସିୟସ ରହିଥିବାବେଳେ କଟକ ଏବର୍ଷ ପ୍ରଥମ ଥର ପାଇଁ ୪୧.୫ ଡିଗ୍ରୀ ଛୁଇଁଛି । କହିରଖୁଛୁ ଆଗକୁ ଆହୁରି ତାପମାତ୍ରା ବଢିବା ନେଇ ଆକଳନ କରିଛି ଆଞ୍ଚଳିକ ପାଣିପାଗ ବିଭାଗ । ଆଗାମୀ ୨ ଦିନ ମଧ୍ୟରେ ରାଜ୍ୟରେ ୨ରୁ ୩ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବଢିପାରେ । ଆସନ୍ତାକାଲି ପାଇଁ ୨୪ ଜିଲାକୁ ହିଟ୍ ଓ୍ବେଭ୍ ସହ ଗୁଳୁଗୁଳି ପାଇଁ ୟେଲୋ ଓ୍ବାର୍ଣ୍ଣିଂ ଜାରି କରାଯାଇଛି । ୧୯ ଓ ୨୦ ତାରିଖ ପାଇଁ ହିଟ୍ ଓ୍ବେଭ୍ ସହ ଗୁଳୁଗୁଳି ନେଇ ଅରେଞ୍ଜ ଆଲର୍ଟ ଜାରି କରାଯାଇଛି । ଏହି ସମୟରେ ମଧ୍ୟରେ ଅତି ଆବଶ୍ୟକ ନଥିଲେ ଘରୁ ବାହାରକୁ ନଯିବା ପାଇଁ ପରାମର୍ଶ ଦିଆଯାଇଛି ।
Comments are closed.